ރައީސް ޔާމީނަށް އިންތިޚާބުގައި ވާދަނުކުރެވޭނެކަމަށް ހުކުމް ކުރުމުން މުއިއްޒު އުފަލުން ހެޔެއް ނެތް: އިމްރާން
ޕީޕީއެމްގެ ލީޑަރު ރައީސް ޔާމީނަށް ރިޔާސީ އިންތިޚާބުގައި ވާދަނުކުރެއްވޭނެކަމަށް ކޯޓުން ހުކުމް ކުރެއްވުމުން ޕީއެންސީގެ ކެންޑިޑޭޓު ޑރ. މުޙައްމަދު މުއިއްޒު އުފަލުން ހެޔެއް ނެތްކަމަށް ހޯމް މިނިސްޓަރު އިމްރާން އަބްދުﷲ ވިދާޅުވެއްޖެއެވެ.
އިމްރާން މިހެން ވިދާޅުވީ އެމްޑިޕީގެ "އުފާވެރި މާލެ" ގެ ނަމުގައި މިރޭ ކުރިއަށްގެންދާ ޚާއްސަ ޖަލްސާއެއްގައި ވާހަކަފުޅުދައްކަވަމުންނެވެ.
އެގޮތުން، މުއިއްޒުގެ ވާހަކަ ނުދައްކަވާ ފޭބުން "ހެޔޮނުވާނެ" ކަމަށް ފާހަގަކުރައްވަމުން އިމްރާން ވިދާޅުވީ މުއިއްޒުގެ "ސިޔާސީ ވަރަ" ފެޅީ އަދާލަތު ޕާޓީގެ ހާލީގެ އޮވެ ކައިބޮއިގެން ކަމަށާއި މުއިއްޒުއަށް "ކާން ބޯން ދިނީ" އަދާލަތުން ކަމަށެވެ.
އަދި އޭރު ސިޔާސީ ހާލަތު އޮތްގޮތުން އަދާލަތު ޕާޓީން ކުރިއަށް ގެންދިޔަ ހުރިހާ ކަމަކާއި މެދު މުއިއްޒު ހުންނެވީ ދެކޮޅަށް ކަމަށާއި ނަމަވެސް ސިޔާސީ ގޮތުން އަދާލަތަށް ކުރިއެރުންތައް ލިބެންފެށުމުން، މަޤާމުތައް ބޭނުންވެގެން މުއިއްޒު ރޯންފެށީ ކުޑަކުއްޖަކު މަންމައަށް ބޭނުންވެގެން ރޯ ފަދައިން ކަމަށް އިމްރާން ވިދާޅުވިއެވެ.
ހަމައެއާއެކު މުއިއްޒުއަށް ސިޔާސީ މަޤާމުތައް އަދާލަތުން ދެއްވީ މަންމައެއް ފަދައިން މައި ލަނގޮޑިއަށް ކެތްނުވެގެންކަމަށް އިމްރާން ވިދާޅުވިއެވެ. އަދި އޭގެ ފަހުން އެ ޕާޓީ ދޫކޮށް އެމްޑީއޭގެ ލީޑަރު އަޙްމަދު ޝިޔާމްގެ އަރިހަށް ވަޑައިގެންވެސް ހަމަ "ރުއީ ކުޑަކުއްޖަކު މަންމައަކަށް ބޭނުންވެގެން ރޯ ފަދައިން" ކަމަށާއި އޭރުވެސް މުއިއްޒުއަށް ވަޒީފާ ދިނީ "ޝިޔާމުގެ ލަނގޮޑިއަށް ކެތްނުވެގެން" ކަމަށް އެމަނިކުފާނު ވިދާޅުވިއެވެ.
އެފަހުން މުއިއްޒު އަނެއްކާވެސް ކޮޅު ބަދަލުކޮށްލީ ބޮޑު ޕާޓީއަކަށް ދާންވެގެން ކަމަށް ފާހަގަކުރައްވަމުން އިމްރާން ވިދާޅުވީ ދެން މުއިއްޒު ވަޑައިގަތީ ޕީޕީއެމަށް ކަމަށާއި އެއް ރޭ ޝިޔާމު ނިދިކުރައްވާފައި ތެދުވެވަޑައިގެންނެވިއިރު މުއިއްޒު ޕީޕީއެމަށް ވަދެވަޑައިގަންނަވާފައިވާކަމަށެވެ.
ރައީސް ޔާމީނަށް ރިޔާސީ އިންތިޚާބުގައި ވާދަނުކުރެއްވުނުކަމީ މުއިއްޒުގެ ހުވަފެނެއް ހަޤީޤަތަކަށް ވެގެން ދިޔުންކަމަށާއި ކޯޓުގައި ރައީސް ޔާމީނުގެ ޝަރީޢަތްތައް ކުރިއަށްދާ އިރުވެސް މުއިއްޒު އިންނަވަނީ "ޔާމީނު ޖަލުގައި ލައްވާލަދޭންދޭވެ" މިގޮތަށް ދުޢާކުރައްވަން ކަމަށް އިމްރާން ވިދާޅުވިއެވެ. އަދި ރައީސް ޔާމީނުއަށް އިންތިޚާބުގައި ވާދަނުކުރެއްވޭނެކަމަށް ހުކުމް ކުރުމުން "މުއިއްޒު އުފަލަކުން ހެޔެއް ނެތް" ކަމަށްވެސް އިމްރާން ވިދާޅުވިއެވެ.
މީގެ އިތުރުން ޕީޕީއެމް ބޭފުޅުންނަށް ނިޞްބަތްކުރައްވައި އިމްރާން ވިދާޅުވީ އެބޭފުޅުން ވިދާޅުވާ ގޮތުންނަމަ މުއިއްޒު ރިޔާސީ "ޓިކެޓު ނެގީ ވަގަށް" ކަމަށާއި ވަގަށް ޓިކެޓު ހޯދި މީހަކަށް ރައީސް ކަން ދޭން ހެޔޮވާނެތޯ އިމްރާންވަނީ ސުވާލު އުފައްދަވާފައެވެ. އަދި ޕީޕީއެމްގެ ވެރިންތައް މުއިއްޒުއާއިއެކު ކެމްޕޭނަށް ވަޑައިގަންނަވާއިރުވެސް އެބޭފުޅުންގެ މޫނުމަތިން އުފާވެރިކަމެއް ނުފެންނަކަމަށާއި އެބޭފުޅުން ތިއްބަވަނީ މުއިއްޒުއާއި ދެކޮޅަށްކަމަށް އިމްރާން ވިދާޅުވިއެވެ.
"މުއިއްޒު ވެރިކަމަށް ހޮވިއްޖިއްޔާ ޔާމީން އޮންނަވާނީ ޖަލުގައި" ޕީޕީއެމަށް މެސެޖެއް ފޯރުކޮށްދެއްވަމުން އިމްރާން ވިދާޅުވިއެވެ.
އެހެންކަމުން މި ފަހަރު ރައްޔިތުންގެ ވޯޓު ދެއްވަންވީ ރައީސް ޞާލިޙަށްކަމަށާއި ޤައުމަށް ހެޔޮ އެދެނީ ހަމައެކަނީ އެމަނިކުފާނުކަމަށް ފާހަގަކުރައްވަމުން އިމްރާންވަނީ ހުރިހާ ރައްޔިތުންގެ ކިބައިން ރައީސް ޞާލިޙަށް ވޯޓުދެއްވުމަށް އިލްތިމާސްކުރައްވާފައެވެ.
ސޭކު އިމުރާނު މޮޔަވެއްޖެ. އަދާލަތު ޕާޓީ ދޫކޮށްފަ ދާ އެންމެންނަށް ކަލަ ގޮވަގަ.. ހަހަހަަާ
ތިކަހަލަ މުނާފިގުން ރައީސްވެސް ތި ގެންގުޅެނީ. މީހުންގެ ހިތުގަ އޮންނަ އެއްޗެއް އެނގޭމީހަކީ ކުފުރުގެ ވާހަކައެއްނޫންތަ؟ މިކަހަލަ މުނާފިގުން ސޭހުންގެ ތެރޭގައި އުޅޭނަމަ މީ އެކަކު