ސޯސަލް މީޑިއާ އިންފްލްއެސްސާ ކައިޒީންގެ ތާއީދު ރައީސް ޞާލިޙަށް

ދިވެހި ސޯސަލް މީޑިއާ އިންފްލްއެންސަރެއް ކަމަށްވާ ފާތިމަތު ޒަޔަން، ނުވަތަ އާއްމުކޮށް ކިޔާ ނަމުން ނަމަ ކައިޒީންގެ ތާއީދު ރައީސް އިބްރާހީމް މުޙައްމަދު ޞާލިޙަށްކޮށްފިއެވެ.

ހޮނިހިރު ދުވަހު އޮންނަ ރިޔާސީ އިންތިޚާބަށް މިހާރު ކުޑަ ދުވަސްކޮޅަކަށް ވެފައިވާއިރު, ގިނަ ބަޔަކު ދަނީ އެ ފަރާތެއް ތާއީދު ކުރާ ސިޔާސީ ޕާޓީތައް ހާމަކުރައްވަމުންނެވެ.

ކައިޒީންގެ ތާއީދު ރައީސް ޞާލިޙަށް އޮތްކަން ހާމަކޮށް, މިއަދު އޭނާ ވަނީ އެމްޑީޕީއާ ގުޅިވަޑައިގެންފައެވެ. އަދި ރައީސް ޞާލިޙާއެކު ނަންގަވާފައިވާ ފޮޓޯއެއް ރައީސް ޞާލިޙްގެ ކެންޕެއިން ޓީމުން މިއަދު މީޑިއާތަކާ ވަނީ ހިއްސާކޮށްފައެވެ.

އިންސްޓަގްރާމްގައި 130،000 އަށް ވުރެ ގިނަ ފޮލޯވަރުން ތިބި ކައިޒީންއަކީ ގިނަ ދިވެހިންގެ ތެރޭގައި މަޤްބޫލު ފަރާތެކެވެ. ކައިޒީން އެންމެ ބޮޑަށް ފާހަގަވެގެން ގޮސްފައިވަނީ އުފަން ދުވަހު ތަފާތު ކަންތައް ކުރާ މީހެއްގެ ގޮތުގައެވެ. އެގޮތުން މިއަހަރުގެ އުފަންދުވަހުގައި ކައިޒީން ވަނީ ހަވާ އަރުވާފައެވެ.