Tuesday, 17 November 2026
Advertisement
MWSC — SmartMeter (leaderboard)
ސިޔާސީ

މުޢިއްޒަކީ ފައިސާއިން ކަންކަން ކުރައްވާ އަނިޔާވެރި ހީލަތްތެރި ބޭފުޅެއް: ޖާބިރު 

މުޢިއްޒަކީ ފައިސާއިން ކަންކަން ކުރައްވާ އަނިޔާވެރި ހީލަތްތެރި ބޭފުޅެއް: ޖާބިރު 

އިދިކޮޅު ޕީޕީއެމް/ ޕީއެންސީގެ ރިޔާސީ ކެންޑިޑޭޓް, ޑރ. މުޙައްމަދު މުޢިއްޒަކީ ފައިސާއިން ކަންކަން ކުރައްވާ ބޭފުޅެއް ކަމަށާއި އެމަނިކުފާނަކީ ރައީސް ޔާމީން އަބްދުލް ޤައްޔޫމަށް ވުރެ އަނިޔާވެރި މީހެއް ކަަމަށް ކާށިދޫ ދާއިރާގެ މެންބަރު އަބްދުﷲ ޖާބިރު ވިދާޅުވެއްޖެއެވެ.

ރާއްޖެ ޓީވީގެ "ފަށާއިރު" ޕްރިގްރާމްގައި މިއަދު ހެނދުނު މެހުމާނެއްގެ ގޮތުގައި ބައިވެރިވެ ވާހަކަ ދައްކަވަމުން ޖާބިރު ވިދާޅުވީ މުއިއްޒަކީ ރައީސް ޔާމީންގެ އަރިހުގައި ބާރުގަދަ ބޭފުޅެއް ނޫން ކަމަށެވެ. އަދި މޭޔަރުކަމަށް ހޮވިވަޑައިގަތުމުން ވެސް ނުފޫޒު ބޭނުން ކުރައްވައިގެން ވެރިކަން ހޯއްދަވަން ވަރަށް ބޮޑަށް މަސައްކަތް ކުރެއްވި ކަމަށް ޖާބިރު ވިދާޅުވިއެވެ.

ޖާބިރު ވިދާޅުވީ މުއިއްޒަކީ އަބަދު ވެސް ވެރިކަމާއި ބާރާ ހެދީ އުޅުއްވާ ބޭފުޅެއް ކަމަށާއި ރިޔާސީ ޓިކެޓް ހޯއްދެވީ ވެސް ނުފޫޒުގެ ތެރެއިން ކަމަށް ޖާބިރު ވިދާޅުވިއެވެ. އަދި ވެރިކަމަށް މުޢިއްޒު ހޮވުނަސް ރާއީސް ޔާމީނަށް ބާރު ފޯރުމަށް ފުރުސަތު ނުދެއްވާނެ ކަމަށާއި "މުއިއްޒު ނަގާނީ ޓޯޓަލް ކޮންޓްރޯލް" ކަމަށް ޖާބިރު ވިދާޅުވިއެވެ.

Advertisement
Ooredoo — Truecaller (box)

އަދި މުޢިއްޒުއަށް ވޯޓު ދޭން ޖެހޭ އެއްވެސް ސަބަބެއް ނެތް ކަމަށާއި އެއީ ގަނެގެން ބާރު ހޯދާފައިވާ ބޭފުޅެއް ކަމަށް ޖާބިރު ވިދާޅުވިއެވެ. "އެމްޑީޕީ މީހުން ނުގަނެވޭނެ, އެމްޑީޕީގެ މެޖޯރިޓީ އެބައޮތް އިނގޭތޯ." ޖާބިރު ވިދާޅުވިއެވެ.

ޖާބިރު ވިދާޅުވީ ރައީސް ޔާމީންގެ އިތުބާރު ވެސް މުއިއްޒަށް ނެތް ކަމަށާއި އެމަނިކުފާނު ނަމަ ކުރާ ކަންކަން މޫނު މަތިން ފެންނާނެ ކަމަށެވެ. ނަމަވެސް "މީނަ ވެއްޖެއްޔާ ނޭނގޭނެ. މޫނުމަތިން ވެސް ނުފެންނާނެ" ކަމަށް ޖާބިރު ވިދާޅުވިއެވެ.

ރިއެކްޝަން

Advertisement
Ooredoo — Truecaller (box)

ކޮމެންޓް

މި ލިޔުމަށް ކޮމެންޓް ކުރުން ވަނީ ބަންދުކޮށްފައެވެ.