!ފ. އަތޮޅުން ތ. އާ ހަމައަށް ޔެލޯ އެލާޓު ނެރެފި

ފ. އަތޮޅުން ފެށިގެން ތ. އަތޮޅާއި ހަމައަށް މޫސުން ގޯސްވާނެ ކަމަށް ލަފާކޮށް ޔެލޯ އެލާޓު ނެރެފިއެވެ.

Ads by STELCO

މިކަން ހާމަކޮށް މޫސުމާއި ބެހޭ ޤައުމީ އިދާރާ މެޓު އޮފީހުން ދެންމެ ބުނީ މިއަދު ހަވީރު 15:30 އިން ފެށިގެން މިރޭ 19:30 ހަމައަށް ތ. އަތޮޅުން ފެށިގެން ފ. އަތޮޅާއި ހަމައަށް ޔެލޯ އެލާޓު ނެރެފައިވާ ކަމަށެވެ.

އަދި މި ވަގުތުތަކުގައި އެ ދެ އަތޮޅު ހިމެނޭ ސަރަހައްދަށް ބޯކޮށް ވާރޭވެހުމާއެކު ގުގުރާނެކަމަށް މެޓު އޮފީހުން ވަނީ ލަފާ ކޮށްފައެވެ.

އެހެން ކަމުން މޫސުމަށް ސަމާލުވުމަށް މެޓު އޮފީހުން ވަނީ އިލްތިމާސްކޮށްފައެވެ.