ބާޠިލް ވޯޓު ގިނަ މައްސަލައަށް ހައްލެއް ހޯދާނަން: އީސީ
ސެޕްޓެމްބަރު 30 ވަނަ ދުވަހު ބޭއްވި ރިޔާސީ އިންތިޚާބުގެ ދެވަނަބުރުގައި ފުރަތަމަ ބުރަށްވުރެ ބާޠިލް ވޯޓު ގިނަ ވުމަކީ ކަންބޮޑުވާކަމެއްކަމަށާއި މަޖިލިސް އިންތިޚާބުގައި މި މައްސަލައަށް ޙައްލެއް ހޯއްދަވާނެކަމަށް އިލެކްޝަންސް ކޮމިޝަން (އީސީ) އިން ވިދާޅުވެއްޖެއެވެ.
އިންތިޚާބުގެ ދެވަނަ ބުރުގެ ވަގުތީ ނަތީޖާ މިއަދު އިޢުލާނުކޮށް ނިމި، ވަގުތީ ނަތީޖާގެ ޖުމްލަ ނަތީޖާ މިއަދު އިޢުލާނުކޮށް ނިމޭނެކަމަށް އީސީގެ ނައިބު ރައީސް އިސްމާޢީލް ޙަބީބު ވިދާޅުވިއެވެ. އަދި އިންތިޚާބުގެ ފުރަތަމަ ބުރަށްވުރެ ދެވަނަބުރުގައި އެކާވީސް ހާހަށްވުރެ ގިނަ މީހުން ވޯޓުލާފައިވާއިރު، ވޯޓުލީ މީހުންގެ އިންސައްތަވެސް %87 އަށްވުރެ މަތިކަމަށްވެސް ޙަބީބު ވިދާޅުވިއެވެ.
އެހެންނަމަވެސް، ފުރަތަމަ ބުރަށްވުރެ ދެވަނަބުރުގައި ބާތިލް ވޯޓު ގިނަވުމަކީ، ކޮމިޝަނުގެ ވަރަށްބޮޑަށް ކަންބޮޑުވާކަމެއްކަން ފާހަގަކުރައްވަމުން ޙަބީބު ވިދާޅުވީ، ރައްޔިތުންގެ މަޖިލީހުގެ އިންތިހާބަށް، ކޮމިޝަނުން އެކަމުގެ ޙައްލު ހޯދާނެކަމަށާއި އެއް އިންތިޚާބެއްގެ ތަޖްރިބާގެ އަލީގައި، އަނެއް އިންތިޚާބެއްގައި، ވޯޓުލާ މީހުންނަށް ވީހާވެސް ފަސޭހަވާނޭހެން، ކަންތައްތައް ތަރުތީބުކޮށް އިސްލާޙް ކުރުމަށް، ކޮމިޝަނުގެ މުވައްޒަފުން ގިނަ މަސައްކަތްތަކެއް ކުރަމުން ގެންދާކަމަށެވެ.
އެހެންނަމަވެސް، ބަޖެޓްގެ ތާށިކަމާހުރެ، އެންމެ ފުރިހަމައަށް، އެންމެ ބާރު ސްޕީޑްގައި ކަންތައްތައް ނުވާަމަށްވެސް ޙަބީބު ފާހަގަކުރެއްވިއެވެ. އަދި އެންމެ އެކަށީގެންވާ ގާބިލް އޮފިޝަލުން ނުލިބުމަކީ ވެސް މިފަދަ ގޮންޖެހުމެއްކަމަށާއި އީސީގެ ޓީމަކީ ގޮންތަކާއެކުވެސް، ނަޒާޙަތްތެރިކަން އިސްކޮށް، ތެދުވެރިކަމާއި އަމާނާތްތެރިކަމާއެކު ވާޖިބު އަދާކުރުމުގައި އެފަދަ ދެވަނައެއްނެތް ހުނަރުވެރި ގާބިލް ޓީމެއްކަމަށް ޙަބީބު ވިދާޅުވިއެވެ.
ބާޠިލް ވޯޓު ގިނަވީ:
1. ބަޖެޓްގެ ދަތިަކަމަކުންނެއްވެސް ނޫން.
2. އޮފިޝަލުންގެ ޤާބިލްކަން ނެތިގެންނެއްވެސް ނޫން.
3. ވޯޓްލާ ގަލަން ގޯސްވެގެންނެއްވެސް ނޫން.
ނަމަވެސް ބާޠިލްވޯޓު ކަމުގައި ބަލާނެ ވަރަށް ހަރުކަށި މިންގަނޑެއް އީ.ސީ.ގެ ނައިބު ރައީސް އާއި އީ.ސީ.ގެ ޓްރެއިނިންގ އާއި ޙަވާލުވެ ހުންނެވި ބޭފުޅާ ވޯޓްފޮށީގެ ވެރިންނަށް އަންގަަވާފައި އޮތީމާ.
ބާޠިލް ވޯޓު ކަނޑައެޅުން ބަަނީ އިސްރާއީލު ބާގައިގެ ގެރިއަށް ވީގޮތަށް ވީމާ. މިލެވަލްއަށް ބާޠިލްވޯޓު ކަނޑައެޅުން ގޮސްގެން ނުވާނެ.
= ވޯޓް ފޮށީގެ ވެރިންނާއި އެހީތެރިންގެ ޓްރެއިނިންގ ގައި މިިކަމުގެ ކަންބޮޑުވުން ފާޅުކޮށްފަައިވާނެ. އެހެން ނަމަވެސް ވޯޓްގުނި ގަޑިއާއި ހަމައަށް އައިއިރުވެސް މިކަމަށް ފަރުވާއެއް ނުލިބުނުު. އީ.ސީ.ގެެ ޓްރޭނިންގ އާއި ޙަވާލުވެ ހުންނެވި ބޭފުޅާއަށް އެކަނި ކަންކަން އެނގިލައްވާ މޭރުމަކުން އެބޭފުޅާ ވާހަކަފުޅު ދައްކަވާތީ އެކަމާ ހިތާމަކުުރަން. ދެން ކިޔަނީ ވޯޓްފޮށީގެ އޮފިޝަލުންނާއި ދިމާއަށް އެއްޗިހި. މިއީ ވަރަށް ދެރަކަމެއް. ޓްރޭނިންގ އަށް ވަޑައިގެންނެވި ބޭފުޅުން ގާތު އައްސަވާލައްވާ މިއީ ދޮގެއް ތޯ؟ =