Monday, 16 November 2026
Advertisement
Ooredoo — Article-Top (leaderboard)
ސިޔާސީ

ރައްޔިތުން ނިންމި ނިންމުމަށް ގޮންޖެހުމަށްފަހު ވެރިކަން އެހެން ގޮތަކަށް ބަދަލު ކުރުމަށް ތާއީދެއް ނުކުރަން: އަސްލަމް

ރައްޔިތުން ނިންމި ނިންމުމަށް ގޮންޖެހުމަށްފަހު ވެރިކަން އެހެން ގޮތަކަށް ބަދަލު ކުރުމަށް ތާއީދެއް ނުކުރަން: އަސްލަމް

ރައްޔިތުން ނިންމި ނިންމުމަށް ގޮންޖެހުމަށްފަހު ވެރިކަން އެހެން ގޮތަކަށް ބަދަލު ކުރުމަށް ތާއީދު ނުކުރާ ކަމަށް ހައުސިން މިނިސްޓަރު މުޙައްމަދު އަސްލަމް ވިދާޅުވެއްޖެއެވެ.

ވެރިކަމުގެ ނިޒާމު ކަނޑައެޅުމަށް އާއްމު ވޯޓެއް ނެގުމަށް ރައްޔިތުންގެ މަޖިލީހުން ފާސްކޮށްފައިވާ ގަރާރާ މެދު އެމްޑީޕީން ގޮތެއް ނިންމުމަށް މިހާރު ކުރިއަށް ގެންދާ ގައުމީ ޖަލްސާގައި ވާހަކަފުޅުދައްކަވަމުން އަސްލަމް ވިދާޅުވީ ރައްޔިތުން ގޮތް ނިންމާނީ ވިސްނުމަށް ފަހު ކަމަށާއި އެ ނިންމުމަށް އެންމެންވެސް އިހްތިރާމް ކުރަން ޖެހޭ ކަމަށެވެ.

"އަޅުގަނޑު ތާއީދެއް ނުކުރަން ރައްޔިތުން ނިންމި ނިންމުމަށް ގޮން ޖެހާފަ އެހެެން ގޮތަކަށް ވެރިކަން ބަދަލުކުރާކަށް. އެއްވެސް ބަޔަކު, މި ޕާޓީ ތެރެއިން ވެސް އެއްވެސް ބޭފުޅަކި އެކަން ކުރާކަށް އަޅުގަނޑު ތާއީދެއް ނުކުރަން" އަސްލަމް ވިދާޅުވިއެވެ.

Advertisement
Allied — Dhen Online (box)

ރައްޔިތުންގެ ނިންމުމުގައި ރަނގަޅާއި ނުބައި ހުރެދާނެ ކަން ގަބޫލުކުރަން ޖެހޭ ކަމަށާއި  ކޮންމެ ގޮތަކަށް ނިންމި ނަމަވެސް ބާރު އޮތީ ރައްޔިތުންގެ އަތްމަތީގައި ކަމަށް އަސްލަމް ވިދާޅުވިއެވެ. އަދި ބަރުލަމާނީ ނިޒާމަށް އެއްވެސް ވަރަކަށް ތާއީދު ނުކުރާ ކަމަށް ވެސް އަސްލަމް ވިދާޅުވިއެވެ.

"ޑިމޮކްރަސީގަ ވެއްޓިފަ ތެދުވެފަ ފިރުކިގެން ހިނގައިގަންއިރު ވެސް ވެއްޓިފަ ތެދުވާނެ ކިތަންމެ ފަހަރަކު. ޑިމޮކްރަސީއަށް މިވީ 18 އަހަރު. ރިޔާސީ ނިޒާމަށް އަޅުގަނޑުގެ ފުރިހަމަ ތާއީދު އެބަ އޮތް"

އަސްލަމް ވިދާޅުވީ ބަރުލަމާނީ ނިޒާމާއި ގުޅޭ ގޮތުން ދައްކާނެ ވާހަކަތައް ވަރަށް ގިނަ ކަމަށާއި މި ބަހުސް ނިންމުމަކަށް ގެންނަން ޖެހޭ ކަމަށެވެ. އަދި ރައްޔިތުން ނިންމި ނިންމުމަށް އިހްތިރާމްކޮށް, ކުރިޔަށްދާން ބޭނުންވަނީ ވެސް އެގޮތަށް ކަމަށް ވެސް ވިދާޅުވިއެެވެ.

ރިއެކްޝަން

Advertisement
Ooredoo — Square (box)

ކޮމެންޓް

މި ލިޔުމަށް ކޮމެންޓް ކުރުން ވަނީ ބަންދުކޮށްފައެވެ.