Sunday, 15 November 2026
Advertisement
Ooredoo — Article-Top (leaderboard)
ސިޔާސީ

އެމްޑީޕީއާއިމެދުގައި އުއްމީދެއް ނެތް: ‏‏އިންތި

އެމްޑީޕީއާއިމެދުގައި އުއްމީދެއް ނެތް: ‏‏އިންތި

ވެރިކަން ކުރާ މައި ޕާޓީ، އެމްޑީޕީއާއިމެދުގައި އުއްމީދެއް ނެތް ކަމަށް ރައްޔިތުންގެ މަޖިލީހުގެ މާފަންނު އުތުރު ދާއިރާގެ މެމްބަރު، އިމްތިޔާޒު ފަހުމީ(އިންތި) ވިދާޅުވެއްޖެއެވެ.

އިންތި މިހެން ވިދާޅުވީ ޖުޑީޝަލް ސަރވިސް ކޮމިޝަން(ޖޭއެސްސީ)ގެ ކޮމްޕޮޒިޝަން ބަދަލު ކުރުމަށް އެމްޑީޕީގެ ފަރާތުން ހުށަހެޅި އިސްލާހަށް ފާޑުކިޔުއްވަމުންނެވެ. މަޖިލީހުގެ މިއަދުގެ ޖަލްސާގައި އޭނާ ވިދާޅުވީ ފަސް އަހަރު ޖޭއެސްސީ އިސްލާހު ކުރަން މަސައްކަތް ކުރުމަށް ފަހުގައި، އެންމެ ފަހުން ހުށަހެޅި އިސްލާހުގައި ޖޭއެސްސީގައި ބަންޑާރަ ނައިބާއި މަޖިލީހުގެ މެމްބަރަކު އިންނަން ޖެހޭ ގޮތަށް އޮތުމުން، އެކަމާއިމެދު ހޭންވީ ކަމެއް ނުވަތަ ރޯންވީ ކަމެއް ވެސް އެނގިވަޑައިނުގަންނަވާ ކަމަށެވެ. މަޖިލީހުގެ މިއަދުގެ ޖަލްސާގައި އިންތި އެ ޕާޓީގެ ލީޑަރޝިޕަށް ވަރަށް ބޮޑަށް ފާޑުކިޔުއްވައި ވިދާޅުވީ، ޕާޓީގެ އާންމު މެމްބަރުންގެ އަގުވެސް ވައްޓާލާފައިވާ ކަމަށެވެ.
"އިއްޒަތްތެރި ރައީސް، މިއީ ސީރިއަސްކޮށް ވިސްނަންޖެހޭ ކަމެއް، ދިވެހިރާއްޖޭގެ ރައްޔިތުންގެ ބޮޑު ބައެއް، އެމްޑީޕީއަށް ތާއީދު ކޮށްގެން ވެސް ތިބީ، ތާއީދު ކޮށްގެން ތިބި އާއްމު މެމްބަރުން އެބަ ވިސްނަވަން ޖެހޭ މިއަދު، އެމްޑީޕީގެ ލީޑަރޝިޕާއިމެދުގަ، އެމްޑީޕީ ތަމްސީލު ކުރަން ތިބޭ އޮފިޝަލުންނާއިމެދުގައި." އިންތި ވިދާޅުވިއެވެ.
އިންތި ވަނީ އެމްޑީޕީގެ އަމަލުތައް ހުންނަ ގޮތާއިމެދު ރައްޔިތުން ވިސްނައިލުމަށް ގޮވައިލައްވައިފައެވެ.

ރިއެކްޝަން

Advertisement
HDC — Sidebar (box)

ކޮމެންޓް

މި ލިޔުމަށް ކޮމެންޓް ކުރުން ވަނީ ބަންދުކޮށްފައެވެ.