ޓްރާންސިޝަން ކޮމިޓީން ހެލްތް މިނިސްޓްރީއާ ބައްދަލުކޮށްފި
ސިއްހީ ދާއިރާއަށް އައްޔަން ކުރައްވާފައިވާ ޓްރާންސިޝަން ކޮމިޓީން މިނިސްޓްރީ އޮފް ހެލްތުގެ އިސްވެރިންނާ ބައްދަލުކުރައްވައިފިއެވެ.
ހެލްތް މިނިސްޓްރީން މައުލޫމާތުދީފައިވާގޮތުގައި މި ބައްދަލުކުރެއްވުމުގައި މިހާރު ހިނގަމުންދާ މުހިއްމު ޕްރޮގްރާމްތަކާއި ޕްރޮޖެކްޓް އަދި ކުރިއަށް ޕްލޭނުކުރެވުނު ކަންތައްތަކާ ގުޅޭގޮތުން މަޝްވަރާކުރެވުނު ކަމަށެވެ.
އިންތިހާބީ ރައީސް ޑރ. މުހައްމަދު މުއިއްޒުގެ ޑިރެކްޓަރ ޖެނެރަލް އޮފް ޓްރާންސިޝަންގެ މަޤާމަށް އައްޔަނުކޮށްފައިވަނީ އަބްދުއްރަހީމް އަބްދުﷲއެވެ.
ޓްރާންސިޝަނަލް ކޮމިޓީތަކަކީ ވެރިކަން ބަދަލުވުމުގެ މަރުހަލާގައި ކަންކަން ވިލަރެސްކުރައްވާ ޑިރެކްޓާ ޖެނެރަލް އޮފް ޓްރާންސިޝަންގެ ދަށުން މަސައްކަތް ކުރާ ކޮމިޓީތަކެކެވެ.
މި ކޮމިޓީތަކުގެ މައިގަނޑު ޒިންމާއަކީ ވެރިކަން ނަގުލުކުރުމަށް ބޭނުންވާ މައުލޫމާތު އެއްކޮށް، ސަރުކާރުގެ މަސައްކަތަށް ބުރޫނާރޭނެ ގޮތަކަށް ކަންކަން ކުރިއަށް ގެންދިއުމެވެ.
