Sunday, 15 November 2026
Advertisement
MWSC — SmartMeter (leaderboard)
ސަރުކާރު

ވިނަރެސް އިން ނުވިކި ހުރި ފްލެޓުތައް ގަންނަން ހުޅުވާލަނީ

ވިނަރެސް އިން ނުވިކި ހުރި ފްލެޓުތައް ގަންނަން ހުޅުވާލަނީ

ހުޅުމާލޭގެ ދެވަނަ ފިޔަވަހީގައި އިމާރާތްކޮށްފައިވާ ވިނަރެސް ޓަވަރުތަކުން ނުވިކި ހުރި ފްލެޓުތަކަށް އެދި ފޯމް ހުށަހެޅުމުގެ ފުރުސަތު ހައުސިން މިނިސްޓްރީން މިއަދު ހުޅުވާލައިފިއެވެ.

އެގޮތުން ހައުސިން މިނިސްޓްރީން މިއަދު ކުރި އިއުލާނެއްގައި ބުނީ، ފްލެޓަށް ޝަރުތު ހަމަވާ މީހުންގެ ތެރެއިން ފްލެޓް އިޚްތިޔާރުކުރާ މީހުންނާއި ފްލެޓު ދޫކޮށްލުމަށް ނިންމާ މީހުންގެ އަދަދަށް ބަލާއިރު، ވިނަރެސްގެ ފްލެޓުތަކެއް ނުވިކި ހުންނާނެ ކަމަށް އަންދާޒާ ކުރެވޭ ކަމަށެވެ.

އަންނަ އަންގާރަ ދުވަހުގެ ނިޔަލަށް، ފްލެޓާ ގުޅުންހުރި މަރުހަލާތައް ނިމުމުން މާލީ ޤާބިލިއްޔަތުކަން ފުރިހަމަނުވާ ފަރާތްތަކާއި ފްލެޓް އިޚްތިޔާރު ކުރަން ހާޒިރުނުވާ މީހުންގެ ފޯމް ބާތިލުކުރާނެ ކަމަށް ވެސް އެ މިނިސްޓްރީގެ އިއުލާނުގައި ބުނެފައި ވެއެވެ.

Advertisement
Ooredoo — Truecaller (box)

ހައުސިން މިނިސްޓްރީން ބުނީ ބާކީވާ ފްލެޓުތައް ވިއްކަން ހުޅުވާލުމަށް ހަމަޖެހިފައިވާ ކަމަށެވެ.

މީގެ އިތުރުން ފޯމް ހުށަހަޅަން ހުޅުވާލާނީ އަންނަ މަހުގެ ފަހެއްގައި ކަމަށާއި ފޯމް ހުށަހެޅެމުގެ އެންމެ ފަހު ތާރީހަކީ ޑިސެމްބަރު މަހުގެ ފަސް ވަނަ ދުވަހުގެ ނިޔަލަށް ކަމަށް އެ މިނިސްޓްރީން ހާމަކުރެއެވެ.

ހައުސިން މިނިސްޓްރީން ބުނީ ވިނަރެސް މަޝްރޫޢު އިން ފްލެޓު ގަތުމާއި ބެހޭ އިތުރު މައުލޫމާތު އާބަންކޯގެ ހޮޓްލައިން ނަންބަރު 1516އަށް ގުޅުމުން ލިބޭނެ ކަމަށެވެ.

ވިނަރެސް މަޝްރޫޢުގެ ފުލެޓުތަކުގެ ތިން ކޮޓަރީގެ 1،344 އެޕާޓްމެންޓުގެ ތެރެއިން ގާތްގަނޑަކަށް 1،000 ފުލެޓަށް ހުޅުވާލީ މާލޭގެ ރަށްވެހިންނަށެވެ.

އޭގެ އިތުރުން ގުޅިފަޅާއި ސީ ލައިފުން ފުލެޓް ގަތް މީހުންނަށާއި ހިޔާ ފްލެޓް ދޫކޮށްލި މީހުންނަށްވެސް ވިނަރެސް އިން ފްލެޓް ދީފައި ވެއެވެ. އަދި މާލޭގައި ދިރިއުޅޭތާ 15 އަހަރު ވެފައިވާ މީހުންނަށްވެސް 100 ފްލެޓް އެ މަޝްރޫޢު އިން ހާއްސަކުރިއެވެ.

ރިއެކްޝަން

Advertisement
Allied — Dhen Online (box)

ކޮމެންޓް

މި ލިޔުމަށް ކޮމެންޓް ކުރުން ވަނީ ބަންދުކޮށްފައެވެ.