ރައީސް ޞާލިޙަށް ދެވަނަަ ބުރު ކާމިޔާބު ނުކުރެވުނީ އެމްޑީޕީގެ އިޚްމާލުން: ހަސަން ލަތީފް
ރައީސުލްޖުމްހޫރިއްޔާ އިބްރާހިމް މުޙައްމަދު ޞާލިޙަށް އިންތިޚާބުގެ ދެވަނަ ބުރު ކާމިޔާބު ނުކުރެއްވުނީ އެމްޑީޕީގެ އިޚްމާލުންކަމަށް ރައްޔިތުންގެ މަޖިލީހުގެ ހެންވޭރު ހުޅަނގު ދާއިރާގެ މެންބަރު ޙަސަން ލަތީފު ވިދާޅުވެއްޖެއެވެ.
ޙަސަން ލަތީފު އެކްސްގައި ކުރެއްވި ޕޯސްޓެއްގައި މިހެން ވިދާޅުވީ، އިންތިހާބީ ރައީސް ޑރ. މުހައްމަދު މުޢިއްޒު ވެރިކަމާ ހަވާލުވެވަޑައިގަތުމަށް ހުވާ ކުރެއްވުމުގެ ރަސްމިއްޔާތު ކުރިއަށް ގެންދަން ޖެހޭނީ މަޖިލީހުގެ އިތުބާރު އޮތް ރައީސަކާ އެކު ކަމަށާއި މަޖިލީހުގެ ރައީސް މުހައްމަދު ނަޝީދުގެ އިތުބާރުގެ މައްސަލަ ނުނިންމައި މުއިއްޒު ކުރައްވާ ވެރިކަމުގެ ހުވާ ގަބޫލުނުކުރާނެ ކަމަށް އެމްޑީޕީން ނިންމައިފިކަމަށް އެޕާޓީގެ ޕީޖީން ބޭއްވި ނޫސްވެރިންގެ ބައްދަލުވުމުގައި އެ ގްރޫޕްގެ ލީޑަރު މުހައްމަދު އަސްލަމް ވިދާޅުވުމާއި ގުޅިގެންނެވެ.
"ރައީސުލް ޖުމްހޫރިއްޔާ ކުރައްވާ ހުވާ މި ވޯޓު ނުނިންމައި، ރިޔާސަތަކުން ނިންމާ ނިންމުމެއް އަޅުގަނޑުމެން އެމްޑީޕީ ޕާލިމެންޓްރީ ގްރޫޕުގެ ފަރާތުން އެއީ ގާނޫނާ އެއްގޮތްވާ ގޮތުގެ މަތިން ހުވައި ކުރައްވައިގެން ހުރި ރައީސެއްކަމުގައި ނުބަލާނަން. އެގޮތަށް އަޅުގަނޑުމެން މަޝްވަރާ ކުރެވިފައި އޮތީ،" އަސްލަމް ވިދާޅުވެފައިވެއެވެ.
އަސްލަމްގެ ވާހަކަފުޅާއި ގުޅިގެން ޙަސަން ލަތީފު ވިދާޅުވީ ރައީސް ޞާލިޙުގެ ހިތްޕުޅަށް ތަސައްލީއެއް ހޯދައިދެއްވުމަށް އެފަދަ ވާހަކަތައް ދެއްކެވުމަކީ މިއަދު އެމްޑީޕީއަށް ލާޒިމުކަމެއްކަމަށެވެ.
"އަސްލަމް ނަންގަންނަންތޯ ވާހަކައެއް. ރައީސް ޞާލިޙުގެ ހިތްޕުޅަށް ތަޞައްލީއެއް ހޯދައިދޭން ރައީސް ނަޝީދު އަށް އެހެން ހަދާނަމޭ މިހެން ހަދާނަމޭ މިވަގުތު ބުނުއްވަމުން ގެންދެވުމަކީ ތިބޭފުޅުންނަށް މިއަދު ލާޒިމު ކަމެއް. ރައީސް ޞާލިޙް އަށް އެހެންވެފައި އެ އިންނެވީ ތިބޭކަލުންގެ އިޙުމާލުން" ޙަސަން ލަތީފު ވިދާޅުވެފައިވެއެވެ.
އެމްޑީޕީގެ ޕީޖީ ގުރޫޕުގެ ބައްދަލުވުމަކަށް ފަހު ނޫސްވެރިންނާއި ބައްދަލު ކުރައްވައި ވާހަކަ ދައްކަވަމުން އަސްލަމް ވިދާޅުވީ މެންބަރުންގެ އިތުބާރުނެތް ރިޔާސަތެއް ރައްޔިތުންގެ މަޖިލީހުގައި ބައިންދައިގެން ކުރިއަށް ދާން ބޭނުންނުވާ ކަމަށާއި އިންތިޚާބީ ރައީސް ހުވާ ކުރުމުގެ ރަސްމިއްޔާތު ކުރިއަށް ގެންދަން ބޭނުންފުޅު ވަނީ އިތުބާރު އޮތް ރައީސްއަކާއެކު ކަމަށެވެ.
އަދި ރައީސް ނަޝީދުގެ އިތުބާރު ނެތް ކަމުގެ މައްސަލަ 29 ވަނަ ދުވަހު ހުށައަޅަން ޖެހޭނެ ކަމަށާއި މަޖިލީހުގެ އެއްވެސް ކަމެއް ކުރިއަށް ގެންދެވޭނީ އެ މައްސަލާގައި ވޯޓު ނެގުމަށް ފަހު ކަމަށް ވެސް އެމްޑީޕީގެ ޕީޖީ ގުރޫޕުން ވަނީ ބުނެފައެވެ.
ޔާމިނަށް ދެވަނަބުރެށް ނުލިބުނީ ކާކުގެފައެއްއޮވެގެން ހަސަނުގެ ދެފާ ހަތްއިރާން؟