Monday, 16 November 2026
Advertisement
MWSC — SmartMeter (leaderboard)
ސިޔާސީ

ޑިމޮކްރެޓްސްގެ ރައީސް ކަމަށް އަމްރު ކުރިމަތިލައްވައިފި

ޑިމޮކްރެޓްސްގެ ރައީސް ކަމަށް އަމްރު ކުރިމަތިލައްވައިފި
ދަ ޑިމޮކްރެޓްސް ޕާޓީގެ ރައީސް ކަމުގެ މަޤާމަށް އެސްޓީއޯގެ ކުރީގެ މެނޭޖިންގ ޑިރެކްޓަރ, ހުސެއިން އަމްރު ކުރިމަތިލައްވައިފިއެވެ. “އެކްސް”ގައި އަމްރު ކުރެއްވި ޕޯސްޓެއްގައި ވިދާޅުވީ ޑިމޮކްރެޓްސްގެ ކަމަށް ކުރިމަތިލާން ނިންމާފައިވާ ކަމަށާއި މިކަމުގައި އެންމެހާ ޑިމޮކްރެޓުންގެ އެއްބާރުލުމާ ތާއީދު ދެއްވުން އެދި ދަންނަވާ ކަމަށެވެ. އެ ޕާޓީގެ ރައީސް ކަމުގެ މަގާމަށް އަމްރު ކުރިމަތިލައްވަން ނިންމާފައިވާއިރު ޑިމޮކްރެޓްސް ޕާޓީގެ ނައިބު ރައީސް ކަމުގެ މަޤާމަށް ރައީސް އޮފީހުގެ ކުރީގެ މިނިސްޓަރު މުޙައްމަދު ޝިފާޒު ވަނީ ކުރިމަތިލައްވާފައެވެ. ދަ ޑިމޮކްރެޓްސް ޕާޓީގެ ފުރަތަމަ ދައުރުގެ މަޤާމުތަކަށް ކުރިމަތިލުމުގެ ފުރުޞަތު 15 އޮކްޓޫބަރުގައި ހުޅުވާލާފައިވާއިރު، އެ ޕާޓީގެ އަސާސީ ގަވާއިދުގައި ބަޔާންކުރާ ދާއިމީ މަގާމުފުރާތަކަށް މީހުން އިންތިޚާބުކުރުމަށް ޕާޓީގެ މެންބަރުންގެ މެދުގައި އާންމު އިންތިޚާބުތައް ބާއްވަންޖެހެއެވެ.
ޑިމޮކްރެޓްސްގެ މަޤާމުތަކަށް ކުރިމަތިލުމުގެ ފުރުޞަތު އެއް މަސް ދުވަހުގެ މުއްދަތަކަށް ވަނީ ހުޅުވާލާފައެވެ. އެ މުއްދަތު ހަމަވާނީ އަންނަ ނޮވެންބަރު މަހުގެ 15 ވަނަ ދުވަހަށެވެ.
އެހެންކަމުން 15 ނޮވެންބަރުގެ ނިޔަލަށް އެ ޕާޓީއަށް ވަންނަ ކޮންމެ މީހަކަށްވެސް އެ މަޤާމުތަކަށް ކުރިމަތިލުމުގެ ފުރުޞަތު ހުޅުވިފައިވާކަމަށް ޑިމޮކްރެޓްސްގެ އިޢުލާނުގައި ބަޔާންކޮށްފައިވެއެވެ.
އެ ޕާޓީގެ މަޤާމުތަކަށް ކުރިމަތިލައްވާ ބޭފުޅުންނަށް ވޯޓު ލުން ކުރިއަށްގެންދަން ހަމަޖެހިފައިވަނީ 2 ޑިސެންބަރު ގައެވެ. އަދި 20 ނޮވެންބަރުގެ ނިޔަލަށް އެ ޕާޓީއަށް ވަނުމަށް ފޯމު ހުށަހަޅާ، ޕާޓީ ދަފްތަރުގައި ޖެހޭ މީހުންނަށް އިންތިޚާބުގައި ވޯޓު ލުމުގެ ހައްޤު ލިބިގެންދާނެކަމަށްވެސް ޑިމޮކްރެޓްސްއިން ބުނެފައިވެއެވެ.

ރިއެކްޝަން

Advertisement
Allied — Dhen Online (box)

ކޮމެންޓް

މި ލިޔުމަށް ކޮމެންޓް ކުރުން ވަނީ ބަންދުކޮށްފައެވެ.