ޕީޕީއެމް/ ޕީއެންސީން ބޮޑު ޕްރައިމަރީއެއް ބާއްވަން ނިންމެވުމަކީ ސިޔާސީ ބޮޑު މަންޒަރު ފެނިގެން ދާނެ ކަމެއް: މަލީހް

ޕީޕީއެމް/ ޕީއެންސީން އެކުގައި ނިކުމެ ބޮޑު ޕްރައިމަރީއެއް ބާއްވަން ނިންމެވުމަކީ ސިޔާސީ ބޮޑު މަންޒަރު ފެނިގެން ދާނެ ކަމެއް ކަމަށް އެ ޕާޓީގެ ސެނެޓަރ މުހައްމަދު މަލީހު ޖަމާލު ވިދާޅުވެއްޖެއެވެ.

Ads by STELCO

އެކްސްގައި މަލީހް ކުރެއްވި ޕޯސްޓެއްގައި ބުނެފައިވަނީ ޕީޕީއެމަކީ މިރާއްޖޭގައި އޮތް އެންމެ ކާމިޔާބު ޕާޓީ ކަމަށެވެ. އަދި ދެ ޕާޓީ އެކީގައި ހުރިހާ ދާއިރާތަކަށް ވާދަކުރުމަށް އެކުގައި ބޮޑު ޕްރައިމަރީއެއް ބާއްވަން ނިންމެވުމަކީ ސިޔާސީ ބޮޑު މަންޒަރު ފެނިގެން ދާނެ ކަމެއް ކަމަށް މަލީހް ވިދާޅުވިއެވެ.

“ޕީޕީއެމަކީ މިރާއްޖޭގައި އޮތް އެންމެ ކާމިޔާބު ޕާޓީ.މެމްބަރުން ގޮތެއްގައި ތިއްބަވާ ހަމައެކަނި ޕާޓީ.ޕީޕީއެމް ޕީއެންސީ ކޯލިޝަން އެކީގައި ހުރިހާ ދާއިރާތަކަށް ވާދަކުރުމަށް އެކުގައި ބޮޑު ޕްރައިމަރީއެއް ބާއްވަން ނިންމެވުމަކީ ސިޔާސީ ބޮޑު މަންޒަރު ފެނިގެން ދާނެ ކަމެއް.ފިޔާތޮށި އިންގިލާބު” މަލީހް ވިދާޅުވިއެވެ.

ޕީޕީއެމް/ޕީއެންސީގެ މަޖިލިސް ޕްރައިމަރީ ބޭއްވުމަށް ހަމަޖެހިފައިވަނީ އަންނަ އަހަރުގެ ޖެނުއަރީ މަހުގެ 20 ވަނަ ދުވަހުއެވެ.

އެ ޕާޓީން ނެރުނު ބަޔާނެއްގައި ބުނެފައިވަނީ 2024 ވަނަ އަހަރު ބޭއްވުމަށް ހަމަޖެހިފައިވާ ރައްޔިތުންގެ މަޖިލީހުގެ އިންތިޚާބުގައި ޕްރޮގްރެސިވް ޕާޓީ އޮފް މޯލްޑިވްސް (ޕީޕީއެމް) އާއި ޕީޕަލްސް ނޭޝަނަލް ކޮންގްރެސް (ޕީއެންސީ) ގެ ފަރާތުން ވާދަކުރާ ކެންޑިޑޭޓުން ކަނޑައެޅުމަށް ޕްރޮގްރެސިވް ކޮންގްރެސް ކޯލިޝަނުން ބާއްވާ ޕްރައިމަރީ އަންނަ އަހަރުގެ ޖެނުއަރީ 20 ވާ ހޮނިހިރު ދުވަހު ބާއްވާ ގޮތަށް ވަނީ ހަމަޖައްސާފައި ކަމަށެވެ.

އަދި، ރައްޔިތުންގެ މަޖިލީހުގެ ޕްރޮގްރެސިވް ކޮންގްރެސް ކޯލިޝަންގެ ޓިކެޓަށް ޝައުޤުވެރިވެރިވާ ޕީޕީއެމް އާއި ޕީއެންސީގެ މެންބަރުން އެކަމަށް އެދި ހުށަހެޅުމުގެ ފުރުޞަތު މި އަހަރުގެ ޑިސެންބަރު 20 އިން ފެށިގެން 31 ގެ ނިޔަލަށް ހުޅުވާލާ ގޮތަށް ވެސް ހަމަޖެހިފައިވާ ކަމަށް ބަޔާނުގައި ބުނެފައިވެއެވެ.