ފްލެޓު ލިބޭ މީހުންގެ ދާއިމީ ލިސްޓަށް ޝަކުވާ ހުށަހެޅުމުގެ މުއްދަތު އިތުރުކޮށްފި
ގެދޮރުވެރިޔާ ސްކީމުގެ ދަށުން ފްލެޓު ލިބޭ މީހުންގެ ދާއިމީ ލިސްޓަށް ޝަކުވާ ހުށަހެޅުމުގެ މުއްދަތު އިތުރުކޮށްފިއެވެ.
މިކަން ހާމަކޮށް ހައުސިން މިނިސްޓްރީން މިއަދު ކުރި އިއުލާނެއްގައި ބުނީ ގެދޮރުވެރިޔާ ސްކީމުގެ ދަށުން ފްލެޓް ލިބޭ ފަރާތްތަކުގެ ދާއިމީ ލިސްޓަށް ޝަކުވާ ހުށަހެޅުމުގެ ފުރުސަތު ވަނީ މާދަމާގެ ނިޔަލަށް އިތުރުކޮށްފައި ކަމަށެވެ.
އެގޮތުން މާދަމާ ރޭގެ 11:59 އާއި ހަމައަށް ޝަކުވާ ހުށަހެޅުމުގެ ފުރުސަތު ހުޅުވާލެވިފައިވާނެ ކަމަށް އެ މިނިސްޓްރީން ބުނެފައިވެއެވެ.
ފްލެޓް ލިބޭ މީހުންގެ ދާއިމީ ލިސްޓަށް ޝަކުވާ ހުށަހެޅުމުގެ މުއްދަތު އިތުރުކުރަން ނިންމީ މުއްދަތު އިތުރު ކުރުމަށް ގިނަ ފަރާތްތަކަކުން އެދެމުން އަންނާތީ އެކަމަށް އިތުރު ފުރުސަތު ދިނުމުގެ ގޮތުން ކަމަށް ވެސް އެ މިނިސްޓްރީން ބުނެފައި ވެއެވެ.
ގެދޮރުވެރިޔާ ސްކީމުގެ ދަށުން ފްލެޓު ލިބޭ މީހުންގެ ލިސްޓަށް ޝަކުވާ ހުށަހަޅަން ހަމަޖެހިފައި ވަނީ ގެދޮރުވެރިޔާ ޕޯޓަލް މެދުވެރިކޮށެވެ.
މިމީހުން އެދޭނެތަރަތްޔަތަކައްހެވެށް ނޭދޭނެ.އެކަންޔަގީން މިއީ އިންސާނުންގެ ސިފައިގާތިއްބަސް އެއީމީސްތަކުންގެލޯތަކަށްފެން ނަގޮތް މިމީހުން ދައްކާވާހަކަ އަޑުވެސްއަހަން ހެޔޮވެސްނުވާނެ.