ރައީީސްގެ އަމާޒަކީ މަސްވެރިކަމުގެ ސިނާޢަތް ބޮޑެތި އެހެން ސިނާއަތްތަކާއި އެއްހަމައަކަށް ގެންދިޔުން: ޝުޖާޢު

ރައީސުލްޖުމްހޫރިއްޔާ ޑރ.މުޙައްމަދު މުޢިއްޒުގެ އަމާޒަކީ ވަޅުޖެހިފައިވާ މަސްވެރިކަމުގެ ސިނާޢަތް ރާއްޖޭގެ ބޮޑުތި އެހެން ސިނާޢަތްތަކާއި އެއް ހަމައަކަށް ގެނައުން ކަމަށް މާލެ ސިޓީ ކައުންސިލުގެ ހުޅުމާލެ ދާއިރާގެ ކައުންސިލަރު އިބްރާހީމް ޝުޖާޢު ވިދާޅުވެއްޖެއެވެ.
އެކްސްގައި އޭނާ ކުރެއްވި ޕޯސްޓެއްގައި ވިދާޅުވީ މާތްاللهގެ ހެޔޮ ރަޙްމަތާއެކު، މަސްވެރިކަމުގެ ސިނާޢަތް ކުރިއަށް ގެންދިޔުމުގެ މަސައްކަތް އެމަނިކުފާނު ފައްޓަވައިފައިވާ ކަމަށެވެ.
"އެކަން ރައީސް ފައްޓަވައިފި. އެކަމުގެ އަލިގަދަ ހެއްކަކީ މަސްވެރިންނަށް ނުދީ ހުރި ފައިސާ މަސްވެރިންނަށް ދިނުން.އިސްކަމެއް ދެއްވައިގެން ދިނުން. ފައިސާ ހޯއްދަވައިގެން މަސްވެރިން، މަސްވެރި އާއިލާތައް އުފާކޮށް ދެއްވުން." އޭނާ ވިދާޅުވިއެވެ.
https://twitter.com/IbrahimShujaau/status/1732775886523707415?t=nnM19dEwgZHGbtXlhh6lQA&s=19
ޝުޖާޢު މިހެން ވިދާޅުވީއިރު، މަސްކިރުވައިފައި، ފައިސާ ނުލިބިވާ މަސްވެރިންނަށް 106 މިލިއަން ރުފިޔާ ދެވޭނެ އިންތިޒާމް ރައީީސް މުޢިއްޒު ވަނީ ހަމަޖައްވައިދެއްވައިފައެވެ.
މިކަން ހާމަކުރައްވައި ފިޝަރީޒް މިނިސްޓަރު އަޙްމަދު ޝިޔާމް އެކްސްގައި ވިދާޅުވީ، މިވަގުތު މަސްވެރިންގެ އެންމެ ބޮޑު ކަންބޮޑުވުމަކީ މަސްކިރާފައި ނުލިބި ހުރި ފައިސާ ލަސްވާ ލަސްވުން ކަމަށެވެ.
"މަސްވެެރި އާއިލާތަކުގެ ޒަރޫރީ އެތައް ކަމަކަށް މިލަހުގެ ސަބަބުން ވަނީ ވަރަށް ބޮޑަށް އުނދަގޫވެފައި. ރައީސުލްޖުމްހޫރިއްޔާގެ ވިސްނުންފުޅަކީ މިކަމަށް ދާއިމީ ހައްލެއް ގެނެވޭނެ ގޮތަށް ކަންކަން ތަރުތީބު ކުރެއްވުން. އެކަމަށް ހުރި ހިރާސްތައް ނައްތާލެއްވުމުގެ މަސައްކަތްޕުޅު ބާރަށް ކުރިޔަށް އެބަގެންދަވާ. 106 މިލިއަން ރުފިޔާ މިރޭ މަސްވެރިންނަށް ދެވޭނެ އިންތިޒާމުވެސް މިހާރުވަނީ ރައީސް ހަމަޖައްސަވާފައި."
ޝިޔާމް އިތުރަށް ވިދާޅުވީ ސަރުކާރުގެ އަމާޒަކީ ދާއިމީ ޖުމްލަ ހައްލެއް މިކަމަށް ހޯދުން ކަމަށެވެ.
މަސްވެރިންނަށް ފައިސާ ނުދޭތާ ދެ މަހަށްވުރެ ގިނަ ދުވަސްވެފައިވާއިރު ނުދީހުރި ފައިސާގެ ތެރޭން 30 މިލިއަން ރުފިޔާ މި ސަރުކާރުން ވަނީ ފުރަތަމަ ހަފްތާގައި ދީފައެވެ.







ކޮމެންޓް
މި ލިޔުމަށް ކޮމެންޓް ކުރުން ވަނީ ބަންދުކޮށްފައެވެ.