އަންނަ ހަފްތާ އިން ފެށިގެން އާސަންދައިގެ ދަށުން މެޑިކަލް ޗެކަޕް ހެދޭނެ
އަންނަ ހަފްތާ އިން ފެށިގެން އާސަންދައިގެ ދަށުން މެޑިކަލް ޗެކަޕް ހެދޭނެ ގޮތް ހަމަޖައްސަވައިފިއެވެ.
މިކަން ހާމަކުރެއްވީ، ރައީސް އޮފީހުގެ އަންޑަރ ސެކެޓްރީ ފޮރ ޕަބްލިކް ޕޮލިސީ މުޙައްމަދު ފިރުޒުލްއެވެ.
އޭނާ މިއަދު ވިދާޅުވީ، އާސަންދައިން މެޑިކަލް ޗެކްއަޕްތައް ހެދުމަށްޓަކައި ތަފާތު އެކި ޕެކޭޖްތައް ތައާރަފްކުރެވިގެންދާނެ ކަމަށެެވެ.
އަދި އަންނަ ހަފްތާއިން ފެށިގެން ސަރުކާރުގެ ހޮސްޕިޓަލްތަކުން އާސަންދައިގެ ދަށުން މި ޚިދުމަތް ލިބެން ފަށާނެކަމަށްވެސް ފިރުޒުލް ވިދާޅުވިއެވެ.
ފިރުޒުލް ވިދާޅުވީ، ވަކިވަކި އުމުރު ފުރާތަކަށްވެސް ހާއްސަ ޕެކޭޖްތަކެއް ތައާރަފްކުރެވިގެންދާނެ ކަމަށާއި، އަދި 2024 ވަނަ އަހަރު ފުރަތަމަ ކުއާޓަރ ދެވަނަ ކުއާޓަރއިން ފެށިގެން މި ޕެކޭޖްތައް ފުޅާކުރެވި، ގިނަ ރައްޔިތުންނަށް އޭގެ ފައިދާ ލިބިގެންދާނެ ކަމަށެވެ.
އޭނާ ވިދާޅުވީ، މެޑިކަލް ޗެކަޕް ހެދުމުގެ އިތުރުން އައިވީއެފް ޓްރީޓްމަންޓް ހިމެނޭހެން ދަރިމައިވުމާގުޅޭ ފަރުވާގެ ޙިދުމަތްތައް، އާސަންދަ މެދުވެރިކޮށް މިއަދުން ފެށިގެން ލިބެން ފަށާނެކަމަށެވެ.
މިހުރިހާ ދުވަހު އަހަރުމެން ހަދަމުން އައި މެޑިކަލް އަކަށްވެސް އަހަރުމެން އަތަކުން ލާރިޔެއްނުނަގާ.