މަރުގެ ހުކުމް ތަންފީޒު ކުރަން ރާއްޖޭން ނިންމި ނިންމުން ވަގުތުން އަނބުރާ ގެންދަން ޖެހޭ: ހިއުމަން ރައިޓްސް ވޮޗް

މަރުގެ ހުކުމް ތަންފީޒު ކުރުމަށް ރާއްޖޭން ނިންމި ނިންމުން ވަގުތުން ވަގުތަށް އަނބުރާ ގެންދަން ޖެހޭ ކަމަށް ބައިނަލްއަޤްވާމީ ޖަމިއްޔާއެއް ކަމަށްވާ ހިއުމަން ރައިޓްސް ވޮޗް އިން ގޮވާލައިފިއެވެ.

Ads by Hajj Corporation

Ads by Sosun Fihaara

އެ ޖަމިއްޔާއިން މިގޮތަށް ގޮވާލާފައި މިވަނީ މިދިޔަ ބުދަ ދުވަހު ހޯމް މިނިސްޓްރީން ބޭއްވި ނޫސްވެރިންގެ ބައްދަލުވުމެއްގައި މި ސަރުކާރުގެ ސިޔާސަތަކީ މަރުގެ ހުކުމް ތަންފީޒުކުރުންކަން ހާމަކޮށްފައި ވާތީއެވެ.

އެގޮތުން މިކަމަށް އިޝާރާތްކޮށް އެ ޖަމިއްޔާގެ އެ ސޯސިއޭޓް އޭޝިއާ ޑިރެކްޓަރު ޕެޓްިޝިއާ ގޮސްމަން ނެރުނު ބަޔާނެއްގައި ވަނީ، ރާއްޖޭގައި މަރުގެ ހުކުމް ތަންފީޒު ކުރަން ނިންމިއިރު، ރާއްޖޭގެ އަދުލު އިންސާފުގެ ނިޒާމު ކޮރަޕްޓުވުން ފާހަގަކޮށް ކަންބޮޑުވުން ފާޅުކޮށްފައެވެ.

މަރުގެ ހުކުމް ތަންފީޒު ކުރަން ރާއްޖޭގެ ރައީސުލްޖުމްހޫރިއްޔާ ޑރ. މުހައްމަދު މުޢިއްޒުގެ ނިންމެވުން ވަގުތުން ވަގުތަށް އަނބުރާ ގެންދަން ޖެހޭ ކަމަށް ހިއުމަން ރައިޓްސް ވޮޗްގެ އެސޯސިއޭޓް އޭޝިއާ ޑިރެކްޓަރު ފެޓްރިޝިއާ ގޮސްމަން ވަނީ ވިދާޅުވެފައެވެ.

ހަމަ އެހެންމެ މިކަމުގެ ކަންބޮޑުވުންތައް ރާއްޖެއާއި ދުނިޔޭގެ އެތައް ޖަމިއްޔާއަކުން ވެސް އުފުލާފައިވާ ކަމަށް ހިއުމަން ރައިޓްސް ވޮޗް އިން ވަނީ ބުނެފައެވެ.

މިގޮތުން މިކަމާ ގުޅިގެން ހުރި ކަންބޮޑުވުންތަކުގެ ތެރޭގައި އަދުލު އިންސާފުގެ ނިޒާމު ސިޔާސީވުމާއި އިންސާފު ހޯދައި ދިނުމުގައި މީގެ ކުރިން ފެއިލްވެފައިވުން އެ ޖަމިއްޔާއިން ވަނީ ފާހަގަކޮށްފައެވެ.

މީގެ އިތުުރުން މަރުގެ ހުކުމް ތަންފީޒު ކުރުންފަދަ އަނިޔާވެރިކަމާ ދެކޮޅަށް، ދުނިޔޭގެ އެހެން ޝަރުއީ ނިޒާމުތަކެކޭ އެއްގޮތަށް ރާއްޖެއިން ވެސް ތެދުވުމަށް އެ ޖަމިއްޔާއިން ވަނީ ގޮވާލާފައެވެ.

ރާއްޖޭގައި އެންމެ ފަހުން މަރުގެ ހުކުމް ތަންފީޒު ކޮށްފައި ވަނީ ރައީސް މުހައްމަދު އަމީންގެ ވެރިކަމުގައި 1953 ވަނަ އަހަރުއެވެ.