ޤުރުއާނުގައި ބަޔާާންކޮށްފައިވާ ޙުކުމެއްގެ ބާރު ކަނޑުވައިލަން ވާހަކަ ދެއްކުމަކީ މުސްލިމަކު ކޮށްގެންވާނެ ކަމެއް ނޫން: ޒައިދު

ކީރިތި ޤުރުއާނުގައި ސަރީޚަ ނައްސުން ބަޔާާންކޮށްފައިވާ ޙުކުމެއްގެ ބާރު ކަނޑުވައިލުމަށް، އެ ޙުކުމަކާއި ދެކޮޅަށް ވަކާލާތު ކުރުމަކީ އެއްވެސް މުސްލިމަކު ކޮށްގެން ވާނެ ކަމެއް ނޫން ކަމަށް ޝެއިޚު ޢަލީ ޒައިދު ވިދާޅުވެއްޖެއެވެ.

Ads by STELCO

ޝެއިޚު މިގޮތަށް ވިދާޅުވީ، އެއްވެސް ސަބަބަކާއި ހުރެ ރާއްޖޭގައި މަރުގެ އަދަބު ދިނުމަކީ ފެންނަ ކަމެއް ނޫން ކަމަށް ކުރީގެ ރައީސް މައުމޫން ޢަބްދުލްޤައްޔޫމް މިއަދު ވިދާޅުވުމުންނެވެ. ރައީސް މައުމޫން މިއަދު އެކްސްގައި ވިދާޅުވީ، ޢާންމުންގެ ތާއީދު ހޯދުމަށް މަރުގެ ޙުކުމްގެ ވާހަކަ ދެއްކުމަކީ ތަޢުލީމީ މީހަކު ކޮށްގެންވާނެ ކަމެއް ވެސް ނޫން ކަމަށެވެ.

މި ވާހަކައިގެ ރައްދުގައި ޝެއިޚު ޒައިދު ވިދާޅުވީ، ޤުރުއާނުގައިވާ ޙުކުމެއްގެ ބާރު ކަނޑުވައިލަން ވާހަކަ ދެއްކުމަކީ އެއްވެސް މުސްލިމަކު ކޮށްގެންވާނެ ކަމެއް ނޫން ކަމަށެވެ. މަރުގެ ަދަބު ދިނުން ހުއްޓައިލައިފައި އޮތުމުން، އެއްވެސް ކަމެއް ޙައްލު ވިތޯ ވެސް އޭނާ އެއްސެވިއެވެ.

އޭނާ ވިދާޅުވީ، ފުރިހަމަ ވާނީ ﷲގެ ޙުކުމް ކަމަށާއި، މުސްލިމުންގެ އަޤީދާ އަކި ވެސް އެއީ ކަމުގައެވެ.

ރާއްޖޭގައި 30 އަހަރު ވެރިކަން ކުރެއްވި ރައީީސް މައުމޫން މީގެ ކުރިން ވެސް މަރުގެ އަދަބު ދިނުމާއި ދެކޮޅަށް ވާހަކަ ދެއްކެވިއެވެ.