މިދިޔަ ފަސް އަހަރު ކުރިހާވެސް ކަމަކީ ޤައުމު ފަނާކުރުން: އާޒިމާ

މިދިޔަ ފަސް އަހަރު ދުވަހު ކުރިހާވެސް ކަމަކީ ޤައުމު ފަނާކުރުން ކަމަށްކަމަށް މާލޭގެ މޭޔަރުކަަމަށް ވާދަކުރައްވާ ޕީއެންސީގެ ކެންޑިޑޭޓު އައިޝަތު އާޒިމާ ޝުކޫރު ވިދާޅުވެއްޖެއެވެ.
މިރޭ ބޭއްވި ކެންޕެއިން ހަރަކާތެއްގައި ވާހަކަފުޅުދައްކަވަމުން އާޒިމާ ވިދާޅުވީ މިދިޔަ ފަސް އަހަރު ދުވަހުގެ ތެރޭގައި ފެނިގެން ދިޔައީ މުޅި ޤައުމު ދަރާ ވިކިގެން ދިޔަ މަންޒަރާއި އިޖްތިމާޢީ ގެއްލުން ލިބުގެން ދިޔަ މަންޒަރު ކަމަށެވެ.
“އަޅުގަނޑުމެންނަށް ބަލާލި ކޮންމެ ދިމާލަކުން މިދިޔަ ފަސް އަހަރު ފެނިގެން ދިޔައީ ޤައުމު ފަނާކުރެވެމުން ދިޔަތަން. ހަމައެކަނި ބަޖެޓެއް ނޫން. ޤައުމު ދަރާ ވިކިގެން ދިޔައީކީ އެކަންޏެއް ނޫން. އިޖްތިމާއީ ފޭރާން ވެސް ހަލާކުވެގެން ދިޔައީ” އާޒިމާ ވިދާޅުވިއެވެ.
އާޒިމާ ވިދާޅުވީ ކުރިޔަށް އޮތް ދެ އިންތިހާބު ކާމިޔާބު ކުރެވިއްޖެ ނަމަ ދިވެހީންގެ ދިވެހިރާއްޖެއަށް ދިޔުމަށް ފަސޭހަވެގެންދާނެ ކަމަށާއި ޕީއެންސީގެ ޖޯޝާއި އަޒުމަށް ކުޑަނަމަވެސް ބަދަލެއް ނާންނާނެ ކަމަށެވެ.
“އަޅުގަނޑުމެން މިތިބީ ވަރަށް ހިތްވަރާއެކު ނިކުމެ ކަމަރު ބަދެގެން އަޅުގަނޑުމެން މިދާ ދިމާލަށް ދިޔުމަށް ތައްޔާރުވެގެން”އާޒިމާ ވިދާޅުވިއެވެ.
އާޒިމާ ވިދާޅުވީ އޭނާގެ ޓީމް ދާނީ ބާރަށް ކުރިއަށް ކަމަށާއި، އެ ބާރުމިނުގައި ގޮސް ހޮނިހިރު ދުވަހުގެ އިންތިހާބު ކާމިޔާބު ކުރައްވާނެ ކަމަށެވެ.






ކޮމެންޓް
މި ލިޔުމަށް ކޮމެންޓް ކުރުން ވަނީ ބަންދުކޮށްފައެވެ.