އަލިފާނުގެ ހާދިސާ އަކީ އިންޑިއާ މެދު ނަފްރަތު އުފައްދަން ހިންގި ޓެރެރިޒަމްގެ އަމަލަކަށް ވުން ގާތް: އަނދުން ހުސައިން
މިރޭ މާލޭގައި ހިނގި އަލިފާނުގެ ހާދިސާ އަކީ އިންޑިއާ މެދު ނަފްރަތު އުފައްދަން ހިންގި ޓެރެރިޒަމްގެ އަމަލެއް ކަމަށް ބެލެވޭ ކަމަށް ހެންވޭރު ދެކުނު ދާއިރާގެ މެމްބަރު ހުސެއިން ޝަހީމް (އަނދުން ހުސެއިން) ވިދާޅުވެއްޖެއެވެ.
އަނދުން ހުސެއިން ކުރެއްވި ޓްވީޓެއްގައި ވިދާޅުވީ މިރޭ މާލޭގައި ހިނގި އަލިފާނުގެ ބޮޑު ހާދިސާ އަކީ އެކްސިޑެންޓަކަށް ވުރެ ބޮޑަށް އިންޑިއާ އާއި މެދު ނަފްރަތު އުފައްދާ ޓެރަރިޒަމްގެ އަމަލަކަށް ވުން ގާތް ކަމަށެވެ.
އަދި މިކަމުގެ އަޑީގައިވާ ފަރާތްތައް ހޯދައި އިންސާފުގެ ކުރިމައްޗަށް ގެންނަން ހުސެއިން ވަނީ ފުލުހުންނަށް ގޮވާލާފައެވެ.
ސްޓޭޓް ބޭންކް އޮފް އިންޑިއާ (އެސްބީއައި)ގެ ރާއްޖޭގެ އޮފީހާ އިންވެގެން ހުންނަ އިމާރާތެއްގައި ރޯވި އަލިފާންގަނޑު ފެތުރުން ކޮންޓްރޯލް ކުރެވިފައިވާ ކަމަށް އެމްއެންޑީއެފުން ބުނެއެވެ.
ރެސްޓޯރަންޓެއް ހިންގަމުން އަންނަ އެ އިމާރާތުގައި ރޯވި އަލިފާނުގެ ސަބަބުން އެ އިމާރާތުގެ ގިނަ ފަންގިފިލާތައް މިހާރު ވަނީ އަނދާ ހުލިވެފަ އެވެ. އަލިފާން ނިންވުމަށް އެމްއެންޑީއެފްގެ ފަޔާ އެންޑް ރެސްކިއުއިން އަންނަނީ މިހާރު ހަރަކާތްތެރިވަމުންނެވެ.
އެމްއެންޑީއެފުން ބުނީ އަލިފާންގަނޑު ފެތުރުން ކޮންޓްރޯލް ކުރެވިއްޖެ ކަމަށާއި އެއްވެސް މީހަކަށް އަނިޔާވި ކަމުގެ ރިޕޯޓެއް މިހާތަނަށް ލިބިފައި ނުވާ ކަމަށެވެ.
ތިކަން ކުރަން ފަންޑުކުރީ އަދުން ހުސެން ދޯ އެހެންވީމަ އެހާ ރަނގަޅަށް އިގުނީ