އަލިފާނުގެ ހާދިސާ ހިނގި ސަރަހައްދަށް ރައީސް ސޯލިހު ވަޑައިގެންފި

ބޮޑުތަކުރުފާނު މަގުގައި އެސްބީއައި ކައިރީގައި ހުރި ކެފޭއަކާއި އެސްބީއައި އިމާރާތުގައި އަލިފާން ރޯވުމާއި ގުޅިގެން، އެ ސަރަހައްދަށް ރައީސް އިބްރާހިމް މުހައްމަދު ސޯލިހު ޒިޔާރާތް ކުރައްވައިފިއެވެ.

Ads by Sosun Fihaara

ހޯމް މިނިސްޓަރ އިމްރާން އަބްދުﷲ ވިދާޅުވީ އެ ސަރަހައްދަށް ރައީސް ވަޑައިގެން ހާދިސާގެ ކަންކަން ބައްލަވާފައިވާ ކަމަށެވެ.

އަލިފާނުގެ ހާދިސާ ހިނގި ސަރަހައްދުގައި ހުންނަވައި މީޑިއާތަކާ ވާހަކަފުޅު ދައްކަވަމުން ރައީސް ސޯލިހު ވިދާޅުވީ މިހާރު އެސަރަހައްދުގައި މަސައްކަތުގައި އުޅުއްވާ ބޭފުޅުން ފިޔަވާ ހުރިހާ ބޭފުޅުން ގެއަށް ވަޑައިގަތުމަށް އިލްތިމާސް ކުރައްވާ ކަމަށެވެ. އަދި ދިމާވެފައިވާ ޕެންޑެމިކްގެ ހާލަތުގައި އެޗްޕީއޭގެ އިރުޝާދު ތަކަށް ބޯ ލެނބުމަށް ރައީސް އިލްތިމާސް ކުރެއްވިއެވެ.

ރައީސް ވިދާޅުވީ އަލިފާނުގެ ހާސިދާގެ އިތުރުން ބަލިމަޑުކަމެއް އެބައޮތް ކަމަށާއި، ފެތުރެން ދިމާވަނީ އެންމެން އެއްތަނަކަށް އެއްވެ ގައިގޯޅިވާތީ ކަމަށެވެ. އެހެންކަމުން މިކަންކަމަށް ސަމާލުވެ އެޗްޕީއޭގެ އެންގުމާ އެއްގޮތަށް އަމަލުކުރުމަށް ރައީސް ވަނީ އެދިވަޑައިގެންފައެވެ.