Tuesday, 17 November 2026
Advertisement
MWSC — SmartMeter (leaderboard)
ސަރުކާރު

ރާއްޖޭ ކަނޑުގެ ސަރަހައްދުގެ ސެކިއުރިޓީ ވަރުގަދަކޮށްފި

ރާއްޖޭ ކަނޑުގެ ސަރަހައްދުގެ ސެކިއުރިޓީ ވަރުގަދަކޮށްފި

ރާއްޖޭ ކަނޑުގެ ސެކިއުރިޓީ ވަރުގަދަކޮށް އުތުރުން ރާއްޖޭގެ ބޯޑަރު ސަރަހައްދުގައި އެމްއެންޑީއެފުން ޕެޓްރޯލް ކުރަން ފަށައިފިއެވެ.

ކަނޑުގެ ސެކިއުރިޓީ ވަރުގަދަކޮށް އުތުރުން ރާއްޖޭގެ ބޯޑަރު ސަރަހައްދުގައި ސިފައިން ޕެޓްރޯލް ކުރަން ފަށާފައި ވަނީ ރާއްޖޭގެ އިގްތިސާދީ ކަނޑުގެ ސަރަހައްދުގައި ހަރަކާތްތެރިވަމުން ދިޔަ މަސް ދޯނިތަކަކަށް އިންޑިއާ ސިފައިން ހަތިޔާރާއެކު އެރި މައްސަލައެއް އިއްޔެ ފެންމަތިވެފައި ވާތީއެވެ.

އެމްއެންޑީއެފުން މިއަދު ޕޯސްޓެއްގައި ވިދާޅުވީ ރާއްޖޭގެ އުތުރުން އިޤްތިސާދީ ސަރަހައްދުގައި ކޯސްޓްގާޑް ޝިޕް ޝަހީދުއަލީ ޕެޓްރޯލްކޮށް ސެކިއުރިޓީ ބަލަހައްޓަމުން ގެންދާ ކަމަށެވެ.

Advertisement
HDC — Sidebar (box)

ރާއްޖޭގެ ކަނޑުގެ ސަރަހައްދުގައި މަސްވެރިކަން ކުރަމުންދިޔަ އަސުރުމާ3، ނިރު7 އަދި މާހޯރަ3 މި ތިން ދޯންޏަށް އިންޑިއާގެ ދެ ކޯސްޓްގާޑް ކައިރިކޮށް ސިފައިން އަރާފައިވާ އިރު، އެ ދޯނިތަކުގައި ހަތިޔާރާއެކު ބޭރުގެ ސިފައިން ހަރަކާތްތެރިވާ މަންޒަރު ފެންނަ ވީޑިއޯއެއް ވަނީ ވައިރަލްވެފައެވެ.

މީގެ އިތުރުން އެމްއެންޑީއެފުން ވެސް ވަނީ ދިވެހިރާއްޖޭގެ ހާއްސަ އިގްތިސާދީ ސަރަހައްދުގައި ވަނިކޮށް ދިވެހި މަަސްދޯންޏަަކަށް ބޭރުގެ ޢަސްކަރިއްޔާއަކަށް ނިސްބަތްވާ އުޅަނދެއްގެ ބޯޑިން ޓީމަކުން މަސްދޯންޏަށް އަރާފައިވާކަމުގެ ރިޕޯޓެއް ލިބިފައިވާތީ އެކަން ބަލަމުންދާކަން ޔަގީން ކޮށްދީފައެވެ.

ރިއެކްޝަން

Advertisement
Allied Insurance — Square (box)

ކޮމެންޓް

މި ލިޔުމަށް ކޮމެންޓް ކުރުން ވަނީ ބަންދުކޮށްފައެވެ.