ހައްގު ބަސް ބުނަން ގޮނޑިއެއް ބޭނުމެއް ނުވާނެ: ރޮޒައިނާ

ހައްގު ބަސް ބުނަން ރައްޔިތުންގެ މަޖިލީހުގެ ގޮނޑިއެއް ބޭނުމެއް ނުވާނެ ކަމަށް އައްޑޫ މީދޫ ދާއިރާގެ މެމްބަރު ރޮޒެއިނާ އާދަމް ވިދާޅުވެއްޖެއެވެ.
އެކްސްގައި ކުރެއްވި ޕޯސްޓެއްގައި ރޮޒައިނާ ވިދާޅުވީ ސިޔާސީ މަސައްކަތް ކުރަނީ ކުރާ ހިތުން ކަމަށާއި އެއީ އޭނާ ކާންބޯން ކުރާ މަސައްކަތެއް ނޫން ކަމަށެވެ. އަދި ބުނަން ޖެހޭ ކޮންމެ އެއްޗެއް ސާބިތުކަމާއެކު ކެރިހުރެ ބުނާނެ ކަމަށް ރޮޒައިނާ ވިދާޅުވިއެވެ.
“އަޅުގަނޑު ސިޔާސީ މަސައްކަތް ކުރަނީ ކުރާހިތުން. ކާން ބޯން ނުލިބިގެންނެއް ނޫން. ހައްގު ބަސް ބުނާކަށް ގޮނޑިއެއް ބޭނުމެއް ނުވޭ. އެމްޑީޕީގައި ސާބިތުކަމާއެކު ހުރެ، ބުނަން ޖެހޭ ކޮންމެ އެއްޗެއް ދެން ވެސް ބުނާނަން” ރޮޒައިނާ ވިދާޅުވިއެެވެ.
ރޮޒެއިނާ ވިދާޅުވީ އަންހެނަކަށް ފުރައްސާރަކޮށް އެހާވަރު ބަޔަކު އަރުވާލައިގެން އުޅުމުން އެނގެނީ އޭނާއާ މެދު ބަޔަކު ޖެހިލުންވާ މިންވަރާއި ހިތުގައި އޮތް ނަފުރަތާއި ރުޅިވެރިކަމާއި ހަސަދަވެރިކަން ކަމަށެވެ.
އަދި ސިޔާސީ ހަޔާތުގައި އެއްވެސް މީހަކާ ޒާތީ ގޮތުން އެއްޗެއް ބުނެފައި ނޯންނާނެ ކަމަށާއި ކުރިޔަށްއޮތް ތަނުގައި ވެސް ނުބުނާނެ ކަމަށް ރޮޒައިނާ ވިދާޅުވިއެވެ.






ކޮމެންޓް
މި ލިޔުމަށް ކޮމެންޓް ކުރުން ވަނީ ބަންދުކޮށްފައެވެ.