މާވަޑިކަމަކީ ހަމައެކަނި ދިވެހިންނަށް ހާއްސަކުރެވިފައިވާ މަސައްކަތަކަށް ހަދައިފި
މާވަޑިކަމަކީ ހަމައެކަނި ދިވެހިންނަށް ހާއްސަކުރެވިފައިވާ މަސައްކަތަކަށް ހަދައިފިއެވެ.
މަތީ ތައުލީމާއި މަސައްކަތްތެރިކަމާއި ހުނަރުތައް ތަރައްގީ ކުރުމާއި ބެހޭ ވުޒާރާއިން އެކްސްގައި ކުރި ޕޯސްޓެއްގައި ބުނެފައި ވަނީ ދިވެހިންނަކީ މާވަޑިކަމަށް ފަރިތަ ބައެއް ކަމަށެވެ. އަދި މިހާރު ސަރުކާރުގެ އަމާޒަކީ މި ހުނަރުތައް އާލާކޮށް، އަލުން ދިރުވާ މާސްޓަރ ބޯޓް ބިލްޑަރުން ތަމްރީނުކޮށް، މިކަމާ ގުޅޭ މަޝްރޫއުތަކުގައި ދިވެހިންނަށް އިސްކަންދިނުންކަމަށެވެ.
މި އުސޫލަކީ ރައީސް ޑރ. މުހައްމަދު މުއިއްޒުގެ ހަފްތާ 14 މަގުޗާޓުގެ ދަށުން ކަނޑައެޅިފައިވާ އުސޫލެކެވެ.
މިފަދަ މަސައްކަތްތައް ކުންފުނި ތަކާއި ހަވާލުކުރާއިރު ދިވެހި ކުންފުނިތަކަށް ހާއްސަ އިސްކަމެއް ދިނުމަށް މި އުސޫލުގެ ދަށުން ވަނީ ނިންމާފައިއެވެ.
އަދި މި ދާއިރާގެ ބައެއް މަސައްކަތްތަކަށް ބައެއް ލައިސެންސު ދޫކުރުމަށް ވެސް ވަނީ ނިންމާފައިއެވެ.
މީގެ އިތުރުން މިފަދަ މަސައްކަތް ކުރުމަށް ރާއްޖެއަށް އެތެރެކުރާ މުދަލުގެ ޑިއުޓި އަލުން މުރާޖާ ކުރަންވެސް ވަނީ ނިންމާފައިކަމަށް އެ ޕޯށްޓުގައި ވަނީ ބުނެފައިއެވެ.
Ads by STO
