Sunday, 22 November 2026
Advertisement
Ooredoo — Article-Top (leaderboard)
ޚަބަރު

އޭދަފުށީ އިހުތިސޯސުގެ ތެރެއަށް މާއްޑޫ ލައިފި

އޭދަފުށީ އިހުތިސޯސުގެ ތެރެއަށް މާއްޑޫ ލައިފި

މީގެ 51 އަހަރު ކުރިން މީހުން ދިރިއުޅެމުން އައި މިހާރު ފަޅު ރަށެއްކަމުގައިވާ ބ.މާއްޑޫ އޭދަފުށީ ކައުންސިލުގެ އިހުތިސޯސުގެ ތެރެއަށް ލައިފިއެވެ.

އުތުރުގެ އަތޮޅުތަކަށް ކުރައްވަމުން ގެންދަވާ ދަތުރުފުޅުގެ ތެރެއިން އޭދަފުށީ ރައްޔިތުންނާ މުހަތާބު ކުރައްވާ ވާހަކަފުޅު ދައްކަވަމުން ރައީސް ވިދާޅުވީ ރިޔާސީ އިންތިހާބުގެ ކެމްޕޭނުގައި ވައުދުތައް ވެވަޑައިގެންނެވީ ފުއްދުމުގެ ނިޔަތުގައި ކަމަށެވެ. އެެއަށް ފަހު ރައީސް ވިދާޅުވީ، މާއްޑޫ އަކީ އޭދަފުށީގެ ތަނެއްގެ ގޮތުގައި ކަނޑައަޅާފައިވާ ކަމަށެވެ.

''މިރޭ އަޅުގަނޑު އިއުލާންކުރަން އިރާދަކުރެއްވިއްޔާ އޭދަފުށީގެ ބައެއް ގޮތުގައި މާއްޑޫ ހަމަޖައްސައިފިން'' ރައީސް އިއުލާންކުރެއްވިއެވެ.

Advertisement
Ooredoo — Square (box)

އެމަނިކުފާނު ވިދާޅުވީ މި ހަފްތާ ތެރޭގައި އެކަމުގެ ލިޔެކިޔުން ކައުންސިލާ ހަވާލު ކުރައްވާނެ ކަމަށެވެ. ކައުންސިލާ ސަރުކާރާ ގުޅިގެން އެ ރަށުގައި ޕްލޭންތައް ކުރިއަށް ގެންދަން ރައީސް ވަނީ އެދިވަޑައިގެންފައެވެ. ވިދާޅުވީ އެއީ އޭދަފުށީގެ ކުރިމަގަށް މުހިއްމު ރަށެއް ކަމަށެވެ.

2013 ވަނަ އަހަރު, މާއްޑޫ އަކީ އޭދަފުށީގެ ބައެއްގެ ގޮތުގައި ހަމަޖައްސަން ކެބިނެޓުން ފާސްކޮށް 2013 ވަނަ އަހަރުގެ ޖުލައި މަހު އޭދަފުށީ ކައުންސިލްގެ ބެލުމުގެ ދަށަށް އެ ރަށް ގެންދިޔައެވެ. ނަމަވެސް އޭގެ ފަހުން އެރަށް ވަރުވާއަށް އަމިއްލަ ފަރާތަކަށް ދޫކުރިއެވެ. އޭގެ ފަހުން 2020 ވަނަ އަހަރު ވަގުތީ ގޮތުން މާއްޑޫ ބެލެހެއްޓުން އޭދަފުށީ ކައުންސިލާ ހަވާލުކުރިއެވެ.

ރިއެކްޝަން

Advertisement
HDC — Sidebar (box)

ކޮމެންޓް

މި ލިޔުމަށް ކޮމެންޓް ކުރުން ވަނީ ބަންދުކޮށްފައެވެ.