މަޖިލީހުގެ ރުހުން ނުލިބުނަސް ވަޒީރު ކަމުގައި ދެމިހުރެވޭނެ: އޭޖީ އުޝާމް
ރައްޔިތުންގެ މަޖިލިހުގެ ރުހުން ނުލިބުނަސް އޭނާއަށް މަގާމްގައި ދެމި ހުރެވޭނެކަމުގައި ބަންޑާރަ ނައިބު އަހުމަދު އުޝާމް ވިދާޅުވެއްޖެއެވެ.
އޭނޭ މިހެން ވިދާޅުވީ އެޓާނީ ޖެނެރަލްގެ އޮފީހާއި އެހެނިހެން އިދާރާތައް ގުޅިގެން އިއްޔެ ބޭއްވި ނޫސްވެރިންގެ ބައްދަލުވުމުގައި ވާހަކަ ދައްކަވަމުންނެވެ.
އުޝާމް ހިމެނެނީ ރައީސް މުއިއްޒު ކެބިނެޓަށް އައްޔަންކުރި ވަޒީރުންގެ ތެރެއިން މި ސަރުކާރުން ރުހުން ނުދިން 3 ވަޒީރުންގެ ތެރޭގައެވެ. އެ ތިން ވަޒީރުންވެސް ގެންދަވަނީ މަޖިލުހުން ރުހުމާ ނުލާ މަގާމްގެ މަސްއޫލިއްޔަތު އަދާކުރައްވަމުންނެވެ.
މިމައްސަލާގައި ނޫސްވެރިޔަކު ކުރެއްވި ސުވާލަކަށް ޖަވާބު ދެއްވަމުން އުޝާމް ވިދާޅުވީ މީގެ ކުރިންވެސް ރުހުން ނުދިނީމަ ދެވަނަ ފަހަރަށްވެސް ވަޒީރުކަމަށް ބޭފުުން އައްޔަން ކޮށްފައި އެބަހުރިކަމަށެވެ. އަދި ދެވަނަ ފަހަރަށްވެސް ހަމަ މަޖިލީހުންވެސް އެނަންތައް ބަލައިގެން ކޮމިޓީ މަރުހަލާއިން ތަޅުމަށްވެސް ނަންތައް ފޮނުވާފައިވާ ކަމުގައެވެ.
ދެން ބަލަންޖެހެނީ މީގެ ކުރިން އަމަލުކޮށްފަ އޮތީ ކޮން ގޮތަކަށްތޯ. ބަލާއިރު މީގެ ކުރިންވެސް އެބަހުރި މަޖިލީހުން ރުހުން ނުދިނީމަ ދެވަނަ ފަހަރަށް އައްޔަންކޮށްފަވެސް މަޖިލީހުން އެ ނަންތައް ބަލައިގަނެފަ ކޮމިޓީއަށް ފޮނުވާފަ، އަނެއްކާ ކޮމިޓީގެ ރިޕޯޓަށްފަހު ވޯޓަށް އަހާފަ.
އޭރުގަ އޭޖީ އޮފީހުން ނަގާފަ އޮތް ސްޓޭންޑަކީ ވަޒީރުންނަށް ރައްޔިތުންގެ މަޖިލީހުން ރުހުން ނުދިނުމަކީ އެމީހުން މަގާމުން ވަކިވާނެ ކަމެއް ނޫނޭ. މަޖިލީހުން ރުހުން ނުލިބުމަކީ މަގާމުން ވަކިވާނެ ކަމެއް ނޫންކަމަށް، އެ ޕޮޒިޝަން ނަގައިގެން އޭރު ހުންނާނެ ކޯޓަށް މައްސަލަ ހުށަހަޅައިގެން ކޯޓުގައި ވަކާލާތުކޮށްފަ.
Ads by STO
