މޯލްޑިވިއަންގެ ޓިކެޓް އަގު ހެޔޮކޮށްފި
ގައުމީ އެއާލައިން، މޯލްޑިވިއަނުން ރާއްޖޭގެ ބައެއް ސަރަހައްދުތަކަށް ކުރާ ދަތުރުތަކުގެ ޓިކެޓު ބޮޑު ތަނުން އަގު ހެޔޮކޮށްފިއެވެ.
މޯލްޑިވިއަން، ހިންގާ އައިލެންޑް އެވިއޭޝަނުން މިއަދު ނެރެފައިވާ ނޫސްބަޔާނެއްގައި ބުނީ އެތެރޭގެ ދަތުރުތައް އަގުހެޔޮ ކުރެވުނީ ހާއްސަ ޕްރޮމޯޝަނެއްގެ ދަށުން ކަމަށެވެ.
މި ފެއާގެ ދަށުން ޓިކެޓް އަގުހެޔޮކޮށްފައިވާ މަންޒިލްތައް:
- ސ. ގަމަށް - 1،222ރ
- ފުވައްމުލައް - 1،155ރ
- ގދ. ކާޑެއްދޫ - 1،333ރ
- ގއ. ކޫއްޑޫ - 1،111 ރ
- ލ. ކައްދޫ - 1،055ރ
- ނ. މާފަރު - 999ރ
- ރ. އިފުރު - 999ރ
- ހދ. ހަނިމާދުއަށް - 1،111ރ.
- ގދ. މާވަރުލު - 1،155 ރ
- ގދ. ފަރެސްމާތޮޑާ - 1،133 ރ
- ހއ. ހޯރަފުށި -1،133 ރ
- ހދ. ކުޅުދުއްފުށި - 1،111 ރ
- ތ. ތިމަރަފުށި - 1،111 ރ
- ށ. ފުނަދޫ - 1،055 ރ.
މޯލްޑިވިއަނުން ބުނީ، ފެއާ އަގުގައި ޓިކެޓް ވިއްކަން ފަށާނީ އަންނަ އާދިއްތަ ދުވަހު ކަމަށާއި މިހާރުވެސް ދަރަވަންދޫއާއި މަޑިވަރަށް އަގުތައް ހެޔޮކޮށްފައިވާނެ ކަމަށެވެ. އަގުތަކަށް ގެނެވުނު ބަދަލާއެކު ހިދުމަތް ހޯދާ ފަރާތްތަކަށް ބޮޑު ލުއި ފަސޭހައެއް ލިބިގެންދާނެ ކަމަށް މޯލްޑިވިއަނުން ބުންޏެވެ.
މޯލްޑިވިއަންގެ އަމާޒަކީ ހިދުމަތް ފޯރުކޮށްދޭ ހުރިހާ މަންޒިލްތަކަކަށް، ރައްކާތެރިކަމާއި އިތުބާރާއެކު އޯގާތެރި ހިދުމަތެއް ފޯރުކޮށްދިނުމެވެ.
