ބަލިމީހެއްގެ ލަދުވެތި ގުނަވަން ވީޑިއޯކޮށް މީސްމީޑިއާގައި ޕޯސްޓްކުރި ޑޮކްޓަރަކު ސަސްޕެންޑްކޮށްފި
ސައުދީ އަރަބިއްޔާ: ބަލިމީހެއްގެ ލަދުވެތި ގުނަވަން ވީޑިއޯކޮށް މީސްމީޑިއާގައި އެ ވީޑިއޯ ޕޯސްޓްކުރި ޑޮކްޓަރަކު ސަސްޕެންޑް ކޮށްފިއެވެ.
ސައުދީ ހެލްތު މިނިސްޓްރީގެ އޮފިޝަލުންނާއި ހަވާލާދީ ބޭރުގެ މީޑިއާތައް ރިޕޯޓްކޮށްފައިވާ ގޮތުގައި ޕްލާސްޓިކް ސާޖަރީހަދާ އެ ޑޮކްޓަރު ، ބަލިމީހާގެ ވީޑިއޯ ކޮށްފައިވަނީ ސާޖަރީ ނިމުމަށްފަހުގައެވެ. އަދި އޭނާ ވަނީ އެ ވީޑިއޯ މީސްމީޑިއާގައި ވެސް ހިއްސާކޮށްފައެވެ.
ރިޕޯޓްތައް ބުނާ ގޮތުގައި އުޞޫލުތަކާއި އަދި އަޚްލާޤީ މިންގަނޑުތަކާ އެ ޑޮކްޓަރު ޚިލާފުވެފައިވާތީ ސައުދީގެ ހެލްތު މިނިސްޓަރު ވަނީ އެ ޑޮކްޓަރުގެ ހުއްދަ ބާތިލް ކުރުމަށް އަމުރުކޮށްފައެވެ.
މި ޢަމަލު ހިންގި ޑޮކްޓަރުގެ އެއްވެސް މަޢުލޫމާތެއް މީޑިއާއިން ރިޕޯޓްކޮށްފައެއް ނުވެއެވެ. އަދި މި ޑޮކްޓަރަށް އިތުރު ފިޔަވަޅެއް އަޅާނެ ކަމެއް ވެސް ހާމަކޮށްފައެއް ނުވެއެވެ. ނަމަވެސް މިބާވަތުގެ ކުށްތަކުގައި ހުއްދަ ބާތިލް ކުރުމުގެ އިތުރުން 10000 ރިޔާލް (ގާތްގަނޑަކަށް 40،000 ރުފިޔާއިން) ޖޫރިމަނާ ކުރުން އެ ގައުމުގެ ގަވާއިދުތައް ތަންދެއެވެ.
