އުމްރާއަށް ދިޔަ ދިވެއްސަކު ގެއްލިގެން ހޯދަނީ

ރަމަޟާން މަހުގެ ފަހު 15 ގައި އުމްރާގެ އަޅުކަން އަދާކުރުމަށް މައްކާ އަށް ގޮސް އުޅުނު ދިވެއްސަކު ގެއްލިގެން ހޯދަން ފަށައިފިއެވެ.

Ads by MWSC

ގެއްލިގެން ހޯދަނީ ނިމްސާ އަލް ހައްޖު ވަލް އުމްރާ ގްރޫޕުގެ ހަވާލުގައި އުމުރާ އަށް ދިޔަ މުހައްމަދު ތައްކާނު، ހަވާ، ސ.މީދޫއެވެ.

އެ ޖަމާއަތުން ފޭސްބުކްގައި އާއްމުކުރި ޕޯސްޓެއްގައި ބުނީ، ތައްކާނު ގެއްލިގެން ހޯދަމުން ދަނީ ރޭ ފަތިހު 03:00 ޖެހިއިރުން ފެށިގެން ކަމަށެވެ. އުމްރާވެރިންނާ އެކު އުމްރާގެ އަޅުކަން އަދާކުރަން ހަރަމްފުޅަށް ދިޔުމަށްފަހު އޭނާގެ ހަބަރެއް ވެފައިނުވާ ކަމަށް އެ ޖަމާއަތުން ބުންޏެވެ.