ބިރުވެރި ފޮޓޯއެއް: މި ޕޫލުގައި ކުޑަކުއްޖެއް އެބައޮތް، އެކަމަކު ފޮޓޯއަކަށް ނާރާ!
މަތީގައި އެވާ ފޮޓޯއަކީ އޮސްޓްރޭލިއާގއ ރައްޔިތެއް “ސީޕީއާރް ކިޑްސް” ނަމަކަށް ކިޔާ ފޭސްބުކު ޕޭޖެއްގައި ހިއްސާ ކޮށްފައިވާ ފޮޓޯއެކެވެ.
މި ފޮޓޯގައި ފެނިގެން އެދާ ސްވިމިންގް ޕޫލްގައި ކުޑަކުއްޖަކު ފަތަން އެބަ އޮތެވެ. އެހެންނަމަވެސް ފޮޓޯއަކަށް ނާރައެވެ. ފޮޓޯއަށް ކައިރިން ޚާއްސަ ސަމާލުކަމެއް ދީގެން ބަލައިފިނަމަ ފެންނާނެއެވެ. އެހެނަސް އެހާ ރީއްޗަކަށް ނޫނެވެ.
ފޮޓޯގައި ވަނީ މަޑު ނޫ ކުލައިގެ ސޯޓެއް ލައިގެން އެ ޕޫލަށް އެރި އުޅޭ ކުއްޖެއްގެ ފޮޓޯއެކެވެ. މި ފޮޓޯގައި ވާ އެ ކުއްޖާ އޮތީ ޕޫލުގެ އަޑީގައެވެ. މިކަމާ ގުޅިގެން އެ ފޭސްބުކު ޕޭޖު ހިންގާ ނަރުހުން ބުނީ ކޮންމެ ބެލެނިވެރިއެއް ވެސް އެމީހެއްގެ ދަރިއެއް ޕޫލަށް އެރުވާއިރު، ގަދަ ކުލައެއްގެ އަންނައުނު ލައްވައިގެން އެރުވުމަށެވެ. ނޫންނަމަ ޕޫލުގައި ހިތާމަވެރި ހާދިސާއެއް ހިނގައިގެން އުޅުނު ނަމަވެސް ފާހަގަނުވެ ހިނގައިދާނެ ކަމަށް އެ ނަރުހުން ބުނެއެވެ.
ޕޫލަށް ގިނަ ބަޔަކު އެރުމުގެ ސަބަބުން ޕޫލު ކިލަނބުވެފައި ވާތީ އެޕޫލު ހިންގާ ފަރާތަކުން ވަނީ މަޑު ނޫކުލައިގެ ސޯޓެއް ލައިގެން ހުރި ކުއްޖެއް ގާތު ޕޫލަށް އެރި އެންމެ އަޑިއަށް ދިއުމަށް ބުނެފައެވެ. އަދި ނަތީޖާއެއްގެ ގޮތުން ހަމަ ލޮލުން ބަލާ މީހުންނަށް ވެސް ފޮޓޯއަށް ވެސް އެ ޕޫލުގައި އޮތް ކުއްޖާ ނުފެނެއެވެ.
ތިވާނީ މާރމައިޑަކަށް