އިނދެ ވަރިކުރި ދެ ދިވެއްސަކު ޓިކްޓޮކްގައި ބަރަހަނާ ވަނީ

ކުރީގެ ދެމަފިރިން އެކަކު އަނެކެއްގެ ބަރަހަނާ ވީޑިއޯތައް ޓިކްޓޮކްގައި އާންމު ކުރަން ފަށައިފި އެވެ.

Ads by STELCO

މައުލޫމާތު ލިބޭ ގޮތުގައި މި ދެމީހުން ގާތްގަނޑަކަށް އަހަރެއްހާ ދުވަހު ކައިވެނީގެ ގޮތުން ގުޅިގެން އުޅުނެވެ. މިދިޔަ 2023 ވަނަ އަހަރު އެ ކައިވެނި ރޫޅުނު އިރު އެ ދެމީހުންނަށް ދަރިއަކުވެސް ހުރެ އެވެ.

ނ. ހޮޅުދޫއަށް ނިސްބަތްވާ އަންހެން މީހާގެ ބުރުގާ ނާޅާ ފޮޓޯތަކެއް ޓިކްޓޮކްގައި ޕޯސްޓު ކުރީ މިދިޔަ ބުދަ ދުވަހު އެވެ. އެ ފޮޓޯތައް ޕޯސްޓު ކުރީ އަންހެން މީހާއަށް ފުރައްސާރައިގެ ބަސްތަކެއް ލިޔެފައިވާ އައިޑީއަކުންނެވެ. އެ އައިޑީއަކީ ކުރިންވެސް ބޭނުންކޮށްފައިވާ އަދި ގިނަ ބަޔަކު ފޮލޯވެސް ކުރާ އައިޑީ އެކެވެ. އަންހެން މީހާ ތުހުމަތު ކުރާ ގޮތުގައި އެއީ އޭނާގެ ކުރީގެ ފިރިމީހާ ގެންގުޅޭ ޓިކްޓޮކް އައިޑީ އެކެވެ.

ފިރިހެން މީހާ އެއްވެސް އަންނައުނެއް ނުލާ ހުރި ވީޑިއޯތަކެއް ޖިންސީ ގުނަވަނުގައި ސްޓިކާއެއް ޖެހުމަށްފަހު ޓިކްޓޮކަށް ޕޯސްޓު ކުރީ އިއްޔެ އެވެ. އެ ވީޑިއޯތައް ޕޯސްޓުކޮށްފައިވަނީ އަންހެން މީހާގެ އައިޑީއަކުންކަން އޭގައި ހުރި ވީޑިއޯތަކުގައި ޖަހާފައި ހުރި ނަމުން އިނގެ އެވެ. އެގޮތުން އެ ވީޑިއޯތަކުގައި އަންހެން މީހާގެ އަސްލު އައިޑީގެ ވޯޓާ މާކެއް ވަނީ ޖަހައިފަ އެވެ.

މައުލޫމާތު ލިބޭ ގޮތުގައި ފިރިހެން މީހާ ނިސްބަތްވަނީ ހދ. ނޭކުރެންދޫ އަށެވެ. އެހެންނަމަވެސް އޭނާ މިހާރު ދިރިއުޅެނީ އޭނާ ލޯބީގެ ގޮތުން ގުޅިގެން އުޅޭ އަންހެން މީހާގެ ރަށް ޅ. ނައިފަރުގަ އެވެ.

އެންގިފައިވާ ގޮތުން މި ދެމީހުން ވަރިވީވެސް ޓިކްޓޮކް ލައިވްއެއްގަ އެވެ. އެ ލައިވްގައި ފިރިހެން މީހާ އަންހެން މީހާގެ މައްޗަށް ޒިނޭ ކުރިކަމުގެ ތުހުމަތު ކުރި އެވެ. އެހެންނަމަވެސް އަންހެން މީހާ ދިޔައީ އެކަމަށް އިންކާރު ކުރަމުންނެވެ.

ފިރިހެން މީހާ މީގެ ކުރިން އެހެން މީހަކާއި ކައިވެނިކޮށްގެން ދެ ކުދިން ތިބެ އެވެ. އެ ދެކުދިން ތިބެނީ އެކުދިންގެ މަންމަ ކައިރީގައި ހއ. ބާރަށުގަ އެވެ. އަންހެން މީހާވެސް މީގެކުރިން އެހެން މީހަކާއި ކައިވެނިކޮށްގެން ކުދިން ތިބެ އެވެ. އެކުދިން ތިބެނީ ކުއްޖާގެ ބައްޕަ ކައިރީގައި ކަމަށް ވަނީ މައުލޫމާތު ލިބިފަ އެވެ.

ނޯޓު: ބަރަހަނާ ވީޑިއޯ ގެންގުޅުމާއި، އެތަކެތި އާންމު ކުރުމަކީ ގާނޫނީ ކުށެއް.