ރަންވީރުގެ އިންސްޓަގްރާމުން ކައިވެނީގެ ފޮޓޯތައް ގެއްލިއްޖެ

ރަންވީރް ސިންގް އާއި ދީޕިކާ ޕަދުކޯން އަކީ ބޮލީވުޑްގެ އެންމެ ލޯބި އެއް ޖޯޑެވެ. ބޮލީވުޑް ސަޕޯޓަރުން އަބަދުވެސް ބޭނުންވީ މި ދެތަރިން އެކުގައި ދެކޭށެވެ. "ގަލިއޯން ކީ ރާސްލީލާ ރާމް-ލީލާ"، "ބަޖިރާއޯ މަސްތާނީ"، "ޕަދްމާވަތު"، ފަދަ ކާމިޔާބު ފިލްމުތަކުގައި ދެ ތަރިން ދެއްކި ވަރުގަދަ ކެމިސްޓްރީގެ ސަބަބުން ސަޕޯޓަރުންގެ މެދުގައި މި ޖޯޑުގެ މަގުބޫލުކަން އިތުރުވި އެވެ.

Ads by Hajj Corporation

ދިޕިކާ އާއި ރަންވީރު 2018 ވަނަ އަހަރު ކައިވެނީގެ ގޮތުން ގުޅުން ވެގެން ދިޔައީ އެމީހުންގެ ހުރިހާ ސަޕޯޓަރުންނަށް ލިބުނު އެންމެ ފޮނި ޚަބަރަށެވެ. އެމީހުން ކައިވެނި ކުރީ އިޓަލީގެ ލޭކް ކޮމޯގައި ދިގު ހަ އަހަރު ދުވަހު ލޯބީގެ ގޮތުން ގުޅިގެން އުޅުމަށްފަހު އެވެ. ކައިވެނީގެ ތަސްވީރުތަކަކީ ހުވަފެނީ ތަސްވީރުތަކެއް ކަމުން މީހުންނަށް އެފޮޓޯތަކުން އަރައިގަނެވޭކަށް ނެތެވެ. ދާދިފަހުން ކޮފީ ވިތު ކަރަން ގައި ރަންވީރާއި ދީޕިކާގެ ކައިވެނީގެ ވީޑިއޯތައް ދެއްކި އެވެ. އެއީ ވަރަށް ލޯބި ކައިވެންޏެކެވެ.

ކައިވެނި ކުރިއިރު އެކްޓަރުން ވަނީ އެމީހުންގެ ކައިވެނީގެ ފޮޓޯތައް އިންސްޓަގްރާމްގައި ހިއްސާކޮށް، އޭގެ ފަހުން ވެސް ބައެއް ފޮޓޯތައް ހިއްސާކޮށްފަ އެވެ. މިފޮޓޯތަކަށް ސަޕޯޓަރުން ވަނީ ގިނަ ކޮމެންޓުތަކެއް ކޮށްފަ އެވެ. އެގޮތުން ކޮމެންޓުތަކުގައި މީހުން ބުނެފައިވަނީ އެދެމީހުން އެކުގައި ފެނުމަކީ އަބަދުވެސް ލިބޭ އުފަލެއް ކަމަށާއި، އެދެތަރިންގެ ފޮޓޯތަކަށް ވަރަށް ލޯބިވާ ކަމަށެވެ. ނަމަވެސް ދާދި ފަހުން ރަންވީރު ސިންގްގެ ސަޕޯޓަރުންނަށް ސިއްސުވާލާފަދަ ކަމެއް ފާހަގަ ކުރެވުނެވެ. އެމީހުންނަށް ފާހަގަ ކުރެވުނީ އޭނާގެ އަންހެނުން ދީޕިކާ ޕަދުކޯން އާއި އެކު ކައިވެނީގެ ހުރިހާ ފޮޓޯތަކެއް އޭނާގެ އިންސްޓަގްރާމް އެކައުންޓުން ނަގާފައިވާ ކަމެވެ.

އެކަމަކު އޭނާގެ އަންހެނުންނާއެކު އެހެން ފޮޓޯތައް ވެސް އެބަހުއްޓެވެ. ރަންވީރުގެ އިންސްޓަގްރާމް އެކައުންޓުގައި 2023 ވަނަ އަހަރުގެ ޖެނުއަރީ މަހުގެ ނިޔަލަށް ތަސްވީރުތައް ހުންނައިރު އޭނާގެ ޕޯސްޓުގައި ހުރީ އެންމެ 133 ޕޯސްޓެވެ. ނަމަވެސް ސާފުކޮށްދިނުން މުހިންމީ ރަންވިރު ވަނީ 2023 ވަނަ އަހަރުގެ ކުރިން ހުރި ހުރިހާ ކޮންޓެންޓެއް ވަކިން ޑިލީޓް ކުރުމަށް ވުރެ ފަސޭހައިން އަރުޝީފްކޮށްފައި ކަމަށާއި އޭގެ ތެރޭގައި އޭނާގެ ކައިވެނީގެ ފޮޓޯތައް ވެސް ހިމެނޭ ކަމަށެވެ. ދީޕިކާގެ އިންސްޓަގްރާމްގައި އަދިވެސް އެމީހުންގެ ކައިވެނީގެ ފޮޓޯތައް ހުރިކަން ފާހަގަކޮށްލެވެ އެވެ.

ސަޕޯޓަރުންގެ މެދުގައި ފުރަތަމަ ކަންބޮޑުވުންތަކެއް ހުރި ނަމަވެސް، ފެންނަ ފެނުމުގައި މި ދެމަފިރިންގެ ނިންމުމަކީ ބޮޑު މައްސަލައެއްގެ އިޝާރާތަކަށް ވުރެ ސޯޝަލް މީޑިއާ މެނޭޖްމަންޓް ސްޓްރެޓެޖީއެއްގެ ބައެކެވެ. މީގެ ދެތިން އަހަރު ކުރިން ދީޕިކާ ވެސް ވަނީ ރަންވީރާ އެކު ކައިވެނީގެ ހުރިހާ ފޮޓޯއެއް އޭނާގެ އިންސްޓަގްރާމްގައި އަރުޝީފްކޮށްފަ އެވެ.