މަގުހުރަސްކުރި މީހެއްގެ ގައިގައި ކާރުން ޖެހުމުން، ޑްރައިވަރުގެ ލައިސެންސް ހިފަހައްޓައިފި

ހުޅުމާލެ ދިއްދޫ ހޮޓާ ކައިރިން މަގު ހުރަސް ކުރަނިކޮށް ކާރަކުން ޖެހި އަނިޔާވި އުމުރުން 67 އަހަރުގެ ދިވެހި ފިރިހެނަކަށް އަނިޔާވި މައްސަލައެއްގައި، ކާރު ދުއްވަން އިން ޑްރައިވަރުގެ ލައިސަންސް ހިފަހައްޓައިފިއެވެ.

Ads by Hajj Corporation

ފުލުހުން ބުނީ، މި ހާދިސާ ހިނގާފައިވާ ކަމަށް ރިޕޯޓް ކޮށްފައިވަނީ މިދިޔަ ހުކުރު ދުވަހުގެރޭ 8:23 ހާއިރު ކަމަށެވެ.

އަދި މި އެކްސިޑެންޓް ހިނގި އިރު ކާރު ދުއްވަން އިނީ 53 އަހަރުގެ ދިވެހި ފިރިހެނެއް ކަމަށް ފުލުހުން ބުނެއެވެ.

މި އެކްސިޑެންޓުގައި އަނިޔާވި މީހާއަށް ހުޅުމާލެ ހޮސްޕިޓަލުގައި ފަރުވާ ދިނުމަށްފަހު މިހާރު ދޫކޮށްލާފައިވާ ކަމަށް ވެސް ފުލުހުން ބުނެފައިވެއެވެ.

މި މައްސަލަ ފުލުހުން ތަހުގީގު ކުރަމުންދާ ކަމަށް ބުނެފައިވެއެވެ.