Tuesday, 17 November 2026
Advertisement
Ooredoo — Article-Top (leaderboard)
އިޖުތިމާޢީ

ދިވެހި ހައްޖުވެރިންގެ ފުރަތަމަ ގްރޫޕް ފުރާނީ މި މަހު 31 ގައި

ދިވެހި ހައްޖުވެރިންގެ ފުރަތަމަ ގްރޫޕް ފުރާނީ މި މަހު 31 ގައި

މިއަހަރު ރާއްޖެއިން ހައްޖަށްދާ މީހުން ފުރުވާލުމުގެ އިންތިޒާމްތައް ފުރިހަމަކުރެވިފައިވާ ކަމަށާއި، ފުރަތަމަ ފްލައިޓް މި މަހުގެ 31ވާ ހުކުރު ދުވަހު ފުރާނެ ކަމަށް އިސްލާމިކް މިނިސްޓަރު ޑރ. މުހައްމަދު ޝަހީމް އަލީ ސައީދު ވިދާޅުވެއްޖެއެވެ.

މިއަދު އެކްސްގައި ކުރެއްވި ޕޯސްޓެއްގައި ޝަހީމް ވިދާޅުވީ، ހައްޖަށް މީހުން ގެންދިއުމުގެ އިންތިޒާމްތައް ހަމަޖެއްސުމުގައި މަސައްކަތްކުރާ އިސްފަރާތްތަކާއި އިދާރާތަކާއި ބައްދަލުކުރައްވާ، މަޝްވަރާ ކުރައްވާފައިވާ ކަމަށެވެ.

ޝަހީމް ވިދާޅުވީ، ރާއްޖެއިން ހައްޖަށްދާ މީހުންގެ ފުރަތަމަ ފްލައިޓް މި މަހުގެ 31ވަނަ ދުވަހު ސައުދީ އަރަބިއާއަށް ދިއުމަށް ފުރާނެ ކަމަށެވެ. އަންނަ ހަފްތާގައި ހައްޖަށްދާ މީހުން ފުރަން ހަމަޖެހިފައިވާއިރު، ހައްޖުވެރިން ފުރުމުގެ އިންތިޒާމްތައް ފުރިހަމަ ކުރެވިފައިވާ ކަމަށް ޝަހީމް ވިދާޅުވިއެވެ.

Advertisement
Allied Insurance — Square (box)

އެގޮތުން، އެކަމަށް ކުރަންޖެހޭ ތައްޔާރީތައް މުއައްސަސާތަކާއި ގުޅިގެން ކޮށް، ތައްޔާރީތައް ނިމިފައިވާ ކަމަށް މިނިސްޓަރު ވިދާޅުވިއެވެ.

https://twitter.com/Mohamedshaheem1/status/1792180447600066799

ހައްޖުގެ އަޅުކަމަށް ދާ މީހުންނަށް ބޭނުންވާ ހިދުމަތްތައް ހަރުދަނާކުރުމަށް، ރާއްޖެއަށް ލިބޭ 1،000 ކޯޓާ ސަރުކާރު ކުންފުނި، ހައްޖު ކޯޕަރޭޝަނަށް ދިނުމަށް ސަރުކާރުން ވަނީ ނިންމަވާފައެވެ.

އާންމު އުސޫލުން ކޮންމެ އަހަރަކުވެސް ރާއްޖެއަށް ލިބޭ 1،000 ކޯޓާގެ ތެރެއިން  50 ކޯޓާ، ކަނޑައަޅާފައިވަނީ ސަރުކާރުގެ ހަރަދުގައި ނިކަމެތިންނަށް ހައްޖުގެ އަޅުކަން އަދާކުރުމުގެ ފުރުސަތު ދިނުމަށެވެ. އެ ފުރުސަތު ލިބޭ މީހުންވެސް މިހާރު ވަނީ ހޮވާފައެވެ.

ރިއެކްޝަން

Advertisement
Allied — Dhen Online (box)

ކޮމެންޓް

މި ލިޔުމަށް ކޮމެންޓް ކުރުން ވަނީ ބަންދުކޮށްފައެވެ.