ހުޅުމާލެ ދެ ފިޔަވަހި ގުޅޭ ޗެނަލް ބަންދު ކުރަނީ

ހައުސިންގް ޑިވެލޮޕްމެންޓް ކޯޕަރޭޝަން (އެޗްޑީސީ)ގެ ބޭނުމަކަށް ހުޅުމާލެ ދެ ފިޔަވަހި ގުޅޭ ޗެނަލް ބަންދުކުރަން ނިންމައިފިއެވެ.

Ads by Sosun Fihaara

އެޗްޑީސީއިން ބުނީ މި މަހުގެ 15 ވަނަ ދުވަހުގެ ހެނދުނު 9 އަކުން ފެށިގެން މެންދުރު ފަހު 2 ޖަހަންދެން އެ ސަރަހައްދު ބަންދުވާނެ ކަމަށެވެ.

އިތުރަށް އެޗްޑީސީއިން ބުނީ، އެ ވަގުތު ތެރޭގައި އެ ސަރަހައްދުގައި ޖެޓްސްކީ ކުރުމާއި، މޫދަށް އެރުމާއި ޑިންގީ ހުރަސްކުރުން އަދި އެ ސަރަހައްދަށް ޑިންގީގައި ވަނުން ވެސް މަނާ ވާނެ ކަމަށެވެ.

އެޗްޑީސީއިން ބުނީ އެ ސަރަހައްދު ބަންދުކުރަނީ، އާންމުންނާއި އެ ސަރަހައްދުގައި މަސައްކަތްކުރާ ފަރާތްތަކުގެ ސަލާމަތާއި ރައްކާތެރިކަން ކަަށަވަރު ކުރުމަށް ކަމަށެވެ.