ތޮއްޑޫ ކައުންސިލް އިދާރާއަށް ގެއްލުން ދިން މައްސަލައިގައި 8 މީހަކު ހައްޔަރުކޮށްފި

މިމަހު 5 ވަނަ ދުވަހު ތޮއްޑޫ ކައުންސިލް އިދާރާ ކުރިމަތީގައި ކުރި މުޒާހަރާއެއްގައި އެ އިމާރާތަށް ގެއްލުން ދިން މައްސަލައާއި ގުޅިގެން 8 މީހުން ހައްޔަރުކޮށްފި އެވެ.
ތޮއްޑޫގައި މުޒާހަރާ ކުރީ ދަނޑުވެރިކަމަށް އެރަށުން ބިން ދޫކުރި ގޮތާއިމެދު ހިތްހަމަނުޖެހިގެންނެވެ. މުޒާހަރާ ކުރި މީހުން ވަނީ ކައުންސިލް އިދާރާ ހުންނަ އިމާރާތުގެ ފުރާޅަށް ގާ އުކައިފަ އެވެ. އަދި އެ އިމާރާތުގެ ބިއްލޫރިތައްވެސް ވަނީ ތަޅާލައިފަ އެވެ.
ފުލުހުން ބުނީ މިމައްސަލައާއި ގުޅިގެން ކޯޓު އަމުރެއްގެ ދަށުން 8 މީހަކު ހައްޔަރުކޮށްފައިވާ ކަމަށެވެ. އަދި މިމައްސަލަ އިތުރަށް ތަހުގީގު ކުރަމުން ދާކަމަށްވެސް ފުލުހުން ބުންޏެވެ.
<a href="https://x.com/ZuvanDhaduveria/status/1798318355230896288">https://x.com/ZuvanDhaduveria/status/1798318355230896288</a>
ތޮއްޑޫގައި މުޒާހަރާއަށް އެއްވި މީހުން އަމަލުކުރި ގޮތުން މުޒާހަރާ ކޮންޓްރޯލް ކުރުމުގައި ހަރަކާތްތެރިވި ފުލުހަކަށްވެސް އަނިޔާވި އެވެ. ސިއްހީ މަރުކަޒުގައި ފަރުވާ ދިނުމަށް ފަހު އެ އޮފިސަރު ވަނީ ދޫކޮށްލާފަ އެވެ.







ކޮމެންޓް
މި ލިޔުމަށް ކޮމެންޓް ކުރުން ވަނީ ބަންދުކޮށްފައެވެ.