މުސާރަ ކުޑަކުރުމާ ދެކޮޅު، ދާއިރާ މީހުންގެ ކޮފީއަށްވެސް ދުވާލަކަށް ހާހެއް ހަރަދުވޭ: އައްބާސް
ރައްޔިތުންގެ މަޖިލީހުންގެ މެންބަރުންނަށް މިހާރު ދެމުން އަންނަ މުސާރައާއި އެލަވެންސްތައް ކަނޑާލަން ތާއީދު ނުކުރައްވާ ކަމަށް ވެލިދޫ ދާއިރާގެ އެމްޑީއޭގެ މެންބަރުން މުހައްމަދު އައްބާސް މިއަދު ވިދާޅުވެއްޖެ އެވެ.
އައްބާސް މިހެން ވިދާޅުވީ, ރައްޔިތުންގެ މަޖިލީހުގެ މެންބަރުންގެ އަދަދު އިތުރުވާތީ އެކަމާ ގުޅޭ ގޮތުން މިއަދު ކުރިޔަށްދިޔަ ޖަލްސާގައި ދެއްކެވި ވާހަކަގަ އެވެ.
"ރައްޔިތުންގެ މަޖިލިސް ނޮޅާ ކަމުންދާއިރު, މި އިއްޒަތްތެރި މެންބަރުން އެބަޖެހޭ މި އިއްޒަތްތެރި މެންބަރުންގެ ދިފާއުގައި ތެދުބަހުން ހަގީގަތަށް ވާހަކަދައްކަން" އައްބާސް ވިދާޅުވި އެވެ.
ރައްޔިތުންގެ މަޖިލީހުގެ މަޖިލީހުގެ މެންބަރުންގެ އަސާސީ މުސާރައަކީ 42,500 ރުފިޔާއެވެ. އަދި ކޮމިޓީއަށް ވަޑައިގަންނަވާނަމަ 20,000 އަދި ލިވިން އެލަވެންސަށް 20,000 ރުފިޔާ ލިބެއެވެ.
އައްބާސް ވިދާޅުވީ, އޭނާ އަކީ އަތޮޅު ތެރެއަށް ނިސްބަވްތާ މެންބަރެއް ކަމުން މާލޭގައި އުޅެން ޖެހެނީ ބޮޑު ކުލި ދައްކައިގެން ކަމަށެވެ. އަދި ކެއުން ބުއިމަށާއި ދާއިރާގެ ރައްޔިތުންނާއި, ރައްޓެހިންނާއެކު ކޮފީ ބޯން ވެސް ދުވާލަކު 700 އާއި 1000 ދެމެދުގެ ހަރަދުވާ ކަމަށް ވިދާޅުވިއެވެ.
"ސްޓޭޓް މިނިސްޓަރަކަށްވުރެ, ސުޕްރީމް ކޯޓުގެ ފަނޑިޔާރަކަށްުރެ, ކުންފުންޏެއްގެ އެމްޑީ އަކަށްވުރެ މަޖިލިސް މެންބަރެއްގެ މުސާރަ ކުޑަ" އައްބާސް ވިދާޅުވީ, ރައްޔިތުންގެ މަޖިލީހުގެ މެންބަރުންގެ އަދަދު މަދު ކުރަން ތާއީދު ކުރައްވާ ކަމަށާއިި, ނަމަވެސް މުސާރަ ކުޑަކުރަން ތާއީދު ނުކުރާކަން ތަކުރާރުކުރެއްވި އެވެ.
ބޯކޮށްޕާލީ ކާކު ބުނެގެން. އެހެން ދިމަދިމާލިން ކަނޑާލައި ހަދާއިރި ހިތަކަށއ ނާރާދޯ.