Sunday, 15 November 2026
Advertisement
Allied Insurance (leaderboard)
އިޖުތިމާޢީ

ތުއްތު ކުދިންނަށް ދޭނެ "މިންހެޔޮ ކާނާ" ފޮތް ލޯންޗްކޮށްފި

ތުއްތު ކުދިންނަށް ދޭނެ "މިންހެޔޮ ކާނާ" ފޮތް ލޯންޗްކޮށްފި

ތުއްތު ދަރިފުޅުގެ ހަޔާތުގެ ފުރަތަމަ އެއްހާސް ދުވަހު ދޭން ޖެހޭ ކާނާ އާ ގުޅޭގޮތުން ތައްޔާރުކުރި "މިންހެޔޮ ކާނާ" ފޮތް ލޯންޗްކޮށްފި އެވެ.

ތުއްތު ދަރިފުޅުގެ ފުރަތަމަ ދެ އަހަރުގެ ތެރޭގައި ހެދިބޮޑުވުމަށް ފައިދާހުރި ކާނާ ބޭނުންވާއިރު، އެ މުއްދަތުގައި އެޅޭ މުހިންމު ފިޔަވަޅުތައް ދަރިފުޅުގެ މުޅި ހަޔާތް ބިނާ ކުރުމުގައި މުހިންމުވާ ކަމަށް ދިރާސާތަކުން ދައްކަ އެވެ. "މިންހެޔޮ ކާނާ" ގެ ނަމުގައި ފޮތެއް ނެރުމުގެ މަގުސަދަކީ ހަ މަސް ފުރުމުން ދަރިފުޅަށް ދޭނެ ފައިދާހުރި ކާނާ ފަށާނެ ގޮތާއި ފައިދާހުރި ތަފާތު ކާނާ އިހުތިޔާރު ކުރާނެ ގޮތް އަދި ކެއިންބުއިމުގެ އާދަކާދަތައް ބައްޓަން ކުރާނެ ގޮތް މައިންބަފައިންނަށާއި ބެލެނިވެރިންނަށް އޮޅުންފިލުވައިދިނުމެވެ.

"މިންހެޔޮ ކާނާ" ފޮތް ނެރެދެއްވާފައި ވަނީ އެކަމަށް ޓަކައި މިއަދު ބޭއްވި ހާއްސަ ރަސްމިއްޔާތެއްގައި ހެލްތު މިނިސްޓަރު އަބްދުﷲ ހަލީލެވެ. ތިރީސް ރެސިޕީ ހިމެނޭ މި ފޮތް ހެލްތު މިނިސްޓްރީގެ ވެބްސައިޓުން ކިޔާލެވޭނެ އެވެ.

Advertisement
Ooredoo — Square (box)

މިއީ ކުޑަކުދިންގެ ނިއުޓްރިޝަންގެ ހާލަތު ރަނގަޅުކޮށް، ދުޅަހެޔޮ ސިއްހަތަކަށް މަގުފަހިކޮށްދިނުމުގެ ގޮތުން ކުއްޖާގެ ފުރަތަމަ 1،000 ދުވަހަށް އަމާޒުކޮށްގެން ހެލްތު ޕްރޮޓެކްޝަން އެޖެންސީ (އެޗްޕީއޭ) އާއި ޔުނިސެފް ގުޅިގެން އެކުލަވާލާފައިވާ "ސޯޝަލް އެންޑް ބިހޭވިއަ ޗޭންޖް ކޮމިއުނިކޭޝަން ސްޓްރެޓަޖީ" ގެ ދަށުން ކުރެވުނު މުހިންމު މަސައްކަތެކެވެ. މި ފޮތް އެކުލަވާލީ އެޗްޕީއޭ، ޔުނިސެފް އަދި އެޑްވޮކޭޓިން ދަ ރައިޓްސް އޮފް ޗިލްޑްރެން (އާކް) ގުޅިގެންނެވެ.

ރިއެކްޝަން

Advertisement
Ooredoo — Truecaller (box)

ކޮމެންޓް

މި ލިޔުމަށް ކޮމެންޓް ކުރުން ވަނީ ބަންދުކޮށްފައެވެ.