Tuesday, 17 November 2026
Advertisement
STO — McCoy (leaderboard)
ކުޅިވަރު

ޔަމާލްއަަށްވުރެ ބޮޑަށް ފޯކަސް ހުރީ ޖަމާލްއަށް: ޖާމަނީ ކޯޗު

ޔަމާލްއަަށްވުރެ ބޮޑަށް ފޯކަސް ހުރީ ޖަމާލްއަށް: ޖާމަނީ ކޯޗު

ސްޕެއިންގެ 16 އަހަރުގެ ގޯވާޑް ލަމީން ޔަމާލްއަަށް ވުރެ ބޮޑަށް ފޯކަސް ކުރަނީ ޖާމަނީގެ ޖަމާލް މުސިއާލާއަަށް ކަމަށް އެ ޓީމުގެ ކޯޗު ހޫލިއަން ނާގަލްސްމަން ބުނެފިއެވެ.

މިރޭ ޔޫރޯ 2024 ގެ ކުއާޓާ ފައިނަލުގައި ސްޕެއިންއާ ދެކޮޅަށް ނިކުންނަ މެޗުގެ ކުރިން މީޑިއާއާ ވާހަކަދައްކަމުން ނާގަލްސްމަން ބުނީ ސްޕެއިންގެ ތަރި ޔަމާލްއާ މެދު ވިސްނަން އިނދެގެން އޭނާ ވަގުތު ނަގައިނުލާނެކަމަށެވެ.

ނާގަލްސްމަން ބުނީ އޭނާގެ ގޭމްޕްލޭނުގައި މުސިއާލާ އަކީ މުހިންމު ކުޅުންތެރިއަކަށް ވުމުން އޭނާ ވިސްނާނީ މުސިއަަލާ ލައްވާ އޭނާގެ ގޭމު ކުޅުވަންކަމަށެވެ.

Advertisement
Allied — Dhen Online (box)

ޔަމާލްއަކީ ޔޫރޯ މުބާރާތެއްގައި ކުޅުނު އެންމެ ހަގު ކުޅުންތެރިޔާއެވެ. ސްޕެއިން މި މުބާރާތުގައި ކުޅުނު މެޗުތަކުގައި އޭނާ އަކީ މުހިންމު ކުޅުންތެރިއެކެވެ. އެހެންކަމުން އިދިކޮޅަށް ނިކުންނަ ޓީމުތަކުން އަބަދުވެސް ޔަމާލްއަށަ ހާއްސަ ސަމާލުކަމެއް ދެއެވެ.

ނާގަލްސްމަން ވެސް ބުނީ ޔަމާލްއަކީ ވަރަށް މޮޅު ކުޅުންތެރިއެއްކަމަށެވެ. އަދި ހުނަރުގެ ގޮތުން މޮޅު ޔަމާލްއަކީ މި މުބާރާތުގައި މޮޅުކުޅުމެއް ދައްކަމުން އަންނަ ކުޅުންތެރިއެއްކަމަށެވެ. އެހެންނަމަވެސް އޭނާ ހުއްޓުވުމަށް ވަކި ހާއްސަ ސަމާލުކަަމެއް ނުދޭނެކަމަށް ނާގަލްސްމަން ބުންޏެވެ.

މިރޭ ކުއާޓާ ފައިނަލުގައި ސްޕެއިންއާ ދެކޮޅަށް ޖާމަނީން ނިކުންނާނީ ރާއްޖެ ގަޑިން 9:00 ގައެވެ.

ރިއެކްޝަން

Advertisement
Ooredoo — Square (box)

ކޮމެންޓް

މި ލިޔުމަށް ކޮމެންޓް ކުރުން ވަނީ ބަންދުކޮށްފައެވެ.