ހުޅުމާލޭގައި މާރާމާރީ ހިންގި މީހަކު ހައްޔަރުކޮށްފި

ހުޅުމާލޭގައި މާރާމާރީ ހިންގި މައްސަލައެއްގައި މީހަކު މިއަދު ހައްޔަރުކޮށްފި އެވެ.

Ads by STELCO

މީޑިއާތަކަށް ފުލުހުން ފޮނުވި މެެސެޖެއްގައި ފުލުހުން ބުނީ ކޯޓު އަމުރެއްގެ ދަށުން އެ މީހާ ހައްޔަރުކުރީ މި މަހުގެ އަށްވަނަ ދުވަހު ހިންގި މާރާމާރީއަކާ ގުޅިގެން ކަމަށެވެ. އެކަމަކު މާރާމާރިއާ ގުޅޭ އިތުރު މައުލޫމާތެެއް ފުލުހުން ހިއްސާއެއް ނުކުރެ އެވެ.

ހައްޔަރުކުރީ 22 އަހަރުގެ ދިވެހި ފިރިހެނެއް ކަމަށް ފުލުހުން ބުންޏެވެ. މި މައްސަލަ އިތުރަށް ބަލަމުން އެބަދެ އެވެ.

މި ފަހަކަށް އައިސް މާލޭ ސަރަހައްދުގައި މާރާމާރީތައް ހިނގާލެއް ވަނީ އިތުރުވެފަ އެވެ. ގިނައީ ގޭންގުތަކުގެ މެދުގައި ހިނގާ މާރާމާރީ އެވެ. ދާދި ފަހުން ފުލުހުން ބުނީ މާލޭގައި 8 ގޭންގް ހަރަކާތްތެރިވާމުން އަންނަކަން ފާހަގަކުރެވިފައިވާ ކަމަށެވެ.