Tuesday, 17 November 2026
Advertisement
HDC — Share-Below (leaderboard)
ސަރުކާރު

ކުޅިވަރަށް އިންގިލާބީ ބަދަލެއް ގެނެސްދޭނަން: ރައީސް

ކުޅިވަރަށް އިންގިލާބީ ބަދަލެއް ގެނެސްދޭނަން: ރައީސް
ކުޅިވަރު ކުރިއެރުވުމަށް ރާއްޛޭގައި މިހާތަނަށް މަސައްކަތް ނުކުރެވޭ މިންވަރަށް މަސައްކަތްކޮށް، ކުޅިވަރަށް އިންގިލާބީ ބަދަލުތަކެއް ގެނެސްދެއްވާނެ ކަމަށް ރައީސް ޑރ. މުހައްމަދު މުއިއްޒު މިއަދު ވިދާޅުވެއްޖެ އެވެ. "ޕެރިސް އޮލިމްޕިކްސް 2024" ދިވެހިރާއްޖޭގެ ދިދަ ހަވާލުކުރުމުގެ ރަސްމިއްޔާތުގައި ވާހަކަފުޅު ދައްކަވަމުން ރައީސް ވިދާޅުވީ ކުޅިވަރު ކުރިއަރުވަން ގިނަ މަސައްކަތްތަކެއް ފެށުމަށް މަސައްކަތް ކުރަމުން އަންނަ ކަމަށެވެ. ބައިނަލްއަގުވާމީ ފެންވަރުގައި ރާއްޖެއަށް ރީތި ނަން ހޯދައިދެވޭ ފެންވަރަށް ކުރިއެރުވުމަށް އިންފްރާސްޓްރަކްޗާ ގާއިމުކުރުމަކީ އޭގެ ތެރެއިން އެއް މަސައްކަތެވެ. އަދި އެހެނިހެން ވަސީލަތްތައް އިތުރުކޮށްދިނުމަށް ޕްލޭންކުރެވި މަސައްކަތް ފެށިފައިވާ ކަމަށް ރައީސް ވިދާޅުވި އެވެ. ރައީސް ވިދާޅުވީ ވަނީ މިފަހަރު ބައިވެރިވާ ފަސް ކުޅިވަރުގެ އިތުރުން މުބާރާތްތަކަށް އިތުރު ކުޅިވަރުތަކުން އެތުލީޓުންނަށް ބައިވެރިވުމުގެ ފުރުސަތު ލިބޭ ފެންވަރަށް ރާއްޖޭގައި ކުޅިވަރު ކުރިއަށް ގެންދިއުމަކީ ސަރުކާރުގެ ސިޔާސަތު ކަމަށެވެ. ސަރަހައްދީ ފެންވަރުގަޔާއި ބައިނަލްއަގުވާމީ ފެންވަރުގައި ބާއްވާ މުބާރާތްތަކުގައި ގިނަ އެތުލީޓުންނަށް ބައިވެރިވުމަށް ރާއްޖޭގައި ލިބޭ ތަމްރީނާއި ލިބޭ ފުރުސަތުތައް އިތުރުކުރައްވާނެ ކަމަށް ވިދާޅުވި އެވެ. އެމަނިކުފާނު ވިދާޅުވީ ބޭރުން ތަމްރީނު ހޯދައިދިނުމަށް ރޭވިގެން ކުރިއަށް ގެންދެވޭނެ ގޮތަށް މަސައްކަތްތައް ތަރުތީބު ކުރެވޭނެ ކަމަށެވެ.
"ކުޅިވަރު ކުރިއެރުވުމަށްޓަކައި މިހާތަނަށް ރާއްޖޭގައި ނުކުރެވޭ މިންވަރަށް މަސައްކަތް ކުރެވޭނެ. ރާއްޖޭގެ ތާރީހުގައި ނުދެކޭ ފެންވަރަށް، ރާއްޖޭގައި އެކި ކުޅިވަރުތައް ގެންދިއުމަކީ އަޅުގަނޑުމެންގެ ސިޔާސަތަކީ،" ރައީސް ވިދާޅުވި އެވެ.
ރައީސް ވިދާޅުވި ގޮތުގައި ރައްޔިތުން އުންމީދު ކުރަނީ "ޓްރާންސްފޮމޭޝަނަލް" ކުރިއެރުމެއް ކުޅިވަރަށް ގެނައުން ކަމުގަ އެވެ. އެ މަސައްކަތް ސަރުކާރުން ކުރިއަށް ގެންދާނީ ކުޅިވަރު ދާއިރާގައި ހަރަކާތްތެރިވާ ފަރާތްތަކުގެ ބައިވެރިވުމާ އެކުގައިކަން ރައީސް ފާހަގަކުރެއްވި އެވެ. މި ރަސްމިއްޔާތުގައި ރައީސް ވަނީ އޮލިމްޕިކްސްގައި ރާއްޖޭގެ ދިދަ އުފުލުމަށް ހަމަޖެހިފައިވާ ދެ އެތުލީޓުންނަށް ދިދަ ހަވާލުކޮށްދެއްވާފަ އެވެ. ދިވެހި ދިދަ އުފުލާނީ މުބާރާތަށް ފުރަތަމަ ފަހަރަށް ކޮލިފައިވި އެތުލީޓު ފާތިމަތު ދީމާ އަލީ އަދި އެތްލެޓިކްސްއިން އޮލިމްޕިކްސްގައި ރާއްޖެ ތަމްސީލުކުރާ އިބާދުﷲ އާދަމެވެ.

ރިއެކްޝަން

Advertisement
Ooredoo — Truecaller (box)

ކޮމެންޓް

މި ލިޔުމަށް ކޮމެންޓް ކުރުން ވަނީ ބަންދުކޮށްފައެވެ.