ކިލޯއެއްގެ ޑްރަގާއެކު ދެ މީހަކު ހައްޔަރުކޮށްފި
1 ކިލޯއަށް ވުރެ ގިނަ މަސްތުވާތަކެއްޗާއެކު ދެ މީހަކު ހައްޔަރުކޮށްފި އެވެ.
އެ މައްސަލާގައި ހައްޔަރުކޮށްފައިވަނީ:
- ހަސަން ޒަޔާން, އއ. ރަސްދޫ ( 24 އ)
- އަލީ ސަރީހު އަންވަރު, ގދ. ތިނަދޫ (22 އަހަރު)
އެ މީހުންގެ ބަންދާމެދު ގޮތެއް ނިންމުމަށް މިދިޔަ ބުރާސްފަތި ދުވަހު ކްރިމިނަލް ކޯޓަށް ހާޒިރުކުރުމުން 15 ދުވަހުގެ މުއްދަތެއް ދީފައިވެ އެވެ.
ކޯޓު އަމުރުގައި ބުނެފައިވަނީ އެ ދެމީހުން ތިބި އެޕާޓްމަންޓްގެ ބަދިގެ އަދި ކޮޓަރިން ގިނަ އަދަދެއްގެ މަސްތުވާތަކެތި އަދި މަސްތުވާތަކެތި ބަންދުކުރާ ތަކެތި ފެނިފައިވާ ކަމަށެވެ.
އެ މީހުން ތިބި ފްލެޓްގެ އިތުރުން އެ މައްސަލައާއި ގުޅިގެން ބަލައި ފާސްކުރި އިތުރު އެޕާޓްމަންޓަކާއި ދެ ކާރުން މަސްތުވާތަކެތި ފެނިފައިވާ ކަމަށްވެސް ކޯޓު އަމުރުގައި ބުނެފައިވެ އެވެ.
ކޯޓު އަމުރުގައި ބުނެފައިވަނީ އެއީ އިތުރު ބައެއްގެ ބައިވެރިވުން އޮތް މައްސަލައެއް ކަމަށެވެ.
އެ މައްސަލާގައި ހައްޔަރުކުރި ސަރީހުއަކީ ކުށުގެ ރިކޯޑު އޮތް މީހެއް ކަމަށާއި އޭނާގެ ޔޫރިން މަސްތުވާތަކެއްޗަށް ޕޮޒިޓިވްވެފައިވާ ކަމަށް ވެސް އެ އަމުރުގައި ބުނެފައިވެ އެވެ.
