Tuesday, 17 November 2026
Advertisement
Allied Insurance (leaderboard)
ބޮލީވުޑް

މީރާ އަކީ ޖާދުލެއް، ފިރިއަށް ވުމަކީ ލިބުނު ނަސީބެއް: ޝާހިދު

މީރާ އަކީ ޖާދުލެއް، ފިރިއަށް ވުމަކީ ލިބުނު ނަސީބެއް: ޝާހިދު

ބޮލީވުޑް އެކްޓަރު ޝާހިދު ކަޕޫރު އޭނާގެ އަންހެނުން މީރާ ރާޖުޕޫތުގެ އުފަން ދުވަހު އޭނާއަށް އޮތް ލޯބި ސޯޝަލް މީޑިއާގައި ބަންޑުންކޮށްލައިފި އެވެ.

ކައިވެންޏަށް ނުވަ އަހަރު ވެފައިވާ ޝާހިދުއާއި މީރާގެ ޖޯޑު ސޯޝަލް މީޑިއާގައި ފެންނަނީ ވަރަށް މަޖާ، ވަރަށް ލޯބިކޮށެވެ. ދެމީހުން އެކަކު އަނެކަކުގެ އުފަން ދުވަހު ތަހުނިޔާ ފޮނުވަނީ ވަރަށް ތަފާތުކޮށެވެ.

އިއްޔެ މީރާއަށް 30 އަހަރު ވީއިރު ޝާހިދު ޕޯސްޓު ކުރީ ދެމީހުން އެކުގައި ނަގާފައިވާ ލޯބި ފޮޓޯތަކެކެވެ. އެއާއެކު ލިޔެފައިވަނީ މީރާ އަކީ ޖާދުލެއް ކަމަށެވެ. އަދި ބޭރުންނާއި އެތެރެއިންވެސް އޭނާ އަކީ ރީތި މީހެއްކަމަށް ޝާހިދު ބުންޏެވެ.

Advertisement
Allied Insurance — Square (box)

"މީރާ އަކީ ހިތްވަރު ގަދަ މީހެއް. އެންމެ ހިނިތުންވުމަކުންވެސް އަހަރެންގެ ހިތަށް ހިނިތުންވުން ގެނުވާ."

މީރާ އަކީ ޝާހިދުގެ މީހެއް ކަމަށާއި އެއީ އޭނާގެ ނަސީބު ކަމަށްވެސް ޝާހިދު ބުންޏެވެ.

އުމުރުގެ ގޮތުން މީރާ އަށްވުރެއް ޝާހިދު 14 އަހަރު ދޮށްޓެވެ. މި ދެމަފިރިންނަށް ދެ ކުދިން ލިބިފައިވާއިރު ދޮށީ ދަރިފުޅު މިޝާގެ އުމުރަކީ އަށް އަހަރެވެ. ހަގު ދަރިފުޅު ޒެއިންއަށް ހަ އަހަރެވެ.

ބޮލީވުޑް އެކްޓަރު ޝާހިދުއާއި ކައިވެނި ކުރުމަށްފަހު މީރާ ވަނީ އިންޑިއާގައި ބައެއް ވިޔަފާރިތައް ފަށައިފަ އެވެ. މީގެ އިތުރުން އޭނާ އަކީ ޔޫޓިއުބާ އެކެވެ.

ރިއެކްޝަން

Advertisement
Ooredoo — Square (box)

ކޮމެންޓް

މި ލިޔުމަށް ކޮމެންޓް ކުރުން ވަނީ ބަންދުކޮށްފައެވެ.