Monday, 16 November 2026
Advertisement
Allied Insurance (leaderboard)
އިޖުތިމާޢީ

ހުޅުމާލެ ތިން ވަނަ ފިޔަވަހީގައި ގަވައިދާ ހިލާފަށް ހުރި ތަކެތި ނަގަން އަނެއްކާވެސް އަންގައިފި

ހުޅުމާލެ ތިން ވަނަ ފިޔަވަހީގައި ގަވައިދާ ހިލާފަށް ހުރި ތަކެތި ނަގަން އަނެއްކާވެސް އަންގައިފި

ހުޅުމާލެ ތިން ވަނަ ފިޔަވަހީގެ ހުސް ބިންތަކުގައި ގަވައިދާ ހިލާފަށް ބަހައްޓާފައި ހުރި މުދަލާއި ތަކެތި ނެގުމަށް އަނެއްކާވެސް ހައުސިން ޑިވެލޮޕްމެންޓް ކޯޕަރޭޝަން (އެޗްޑީސީ) އިން އަންގައިފި އެވެ.

އެޗްޑީސީއިން މިއަދު ނެރުނު އިއުލާނެއްގައި ބުނީ ހުޅުމާލޭ ދެވަނަ ފިޔަވަހީގެ ޗެނަލް ޕްރޮޖެކްޓް 02 ފެށުމަށް ހަމަޖެހިފައިވާ ސަރަހައްދު ހުސްކުރުމަށް، 2 ވަނަ އަދި 3 ވަނަ ފިޔަވަހީގެ ހުސް ބިންތަކުގައި ގަވާއިދާ ހިލާފަށް ބަހައްޓާފައި ހުރި ތަކެތި ނެގުމަށް މިދިޔަ މެއި މަހުގެ 8 ގައި އެޗްޑީސީން ކުރި އިއުލާނާ އެއްގޮތަށް ގިނަ މީހުން އަމަލު ކޮށްފައި ނުވާ ކަމަށެވެ.

އެހެންވެގެން އެއާ އެއްގޮތަށް އަމަލު ކުރުމަށް އެދި، އެޗްޑީސީން ބުނީ މި މަހުގެ 11 ވަނަ ދުވަހުގެ ކުރިން ފޭސް 3 ގެ ހުސްބިންތަކު ހުރި މުދަލާއި ތަކެތި ނަގާ ހުސްކުރުމަށެވެ.

Advertisement
Ooredoo — Truecaller (box)

އެޗްޑީސީން ބުނީ ހުސްކުރުމަށް އިއުލާނުގައި އަންގާފައިވާ ބިންތައް އެދުވަހުގެ ކުރިން ހުސްނުކޮށްފިނަމަ އެ ބިންތަކުގައި ބަހައްޓާފައިވާ މުދަލާއި ތަކެތި އެއީ ވެރި ފަރާތް ބޭނުން ނެތިގެން ދޫކޮށްލާފައިވާ ތަކެތި ކަމަށް ބަލައި، އެފަދަ ތަކެއްޗާ މެދު އަމަލުކުރަން ހަމަޖެހިފައިވާ ގޮތަށް އަމަލު ކުރާނެ ކަމަށެވެ.

މި ފަދަ ތަކެއްޗަށް އަމަލުކުރުމުގެ މަސައްކަތުގެ ތެރެއިން މުދަލާއި ތަކެއްޗަށް ލިބޭ ގެއްލުމުގެ ޒިންމާ އެ ކުންފުނިން ނުނަގާނެ ކަމަށްވެސް އެޗްޑީސީން ބުންޏެވެ.

ހުޅުމާލެ-3 ގެ ނަމުގައި ތަރައްގީ ކުރާ ބިން ހިއްކަން ފަށާފައިވަނީ މިދިޔަ އަހަރުގެ އޮކްޓޯބަރު މަހު އެވެ.

 

ރިއެކްޝަން

Advertisement
Ooredoo — Truecaller (box)

ކޮމެންޓް

މި ލިޔުމަށް ކޮމެންޓް ކުރުން ވަނީ ބަންދުކޮށްފައެވެ.