ވައި ގަދަވެ މާވެޔޮމަގުގައި ހުރި ގަހެއް ވެއްޓި ސައިކަލުތަކަކަށް ގެއްލުން

ވައިގަދަވެ މާވެޔޮ މަގުގައި ހުރި ހަގެއް ވެއްޓި ސައިކަލުތަކަކަށް ގެއްލުން ވެއްޖެ އެވެ.

ސޯޝަލް މީޑިއާގައި އާންމުވެފައިވާ ވީޑިއޯއިން ފެންނަގޮތުން އެ މަގަށް ވެއްޓުނީ ބޮޑު ގަހެކެވެ.

އަދި އެއާއެކު އެ މަގު އޮތީ ބަންދުވެފަ އެެވެ. އެ ތަނުގައި ފުލުހުން ހަރަކާތްތެރިވާތަން ވެސް ފެނެއެވެ.

އެ ހާދިސާގައި ސައިކަލުތަކަކަށް ގެއްލުން ލިބުނަސް މީހަކަށް ގެއްލުން ލިބުނުކަމެއް ނޭނގެ އެވެ.

އެކަމާ ގުޅޭ ގޮތުން ފުލުހުންގެ ބަހެއް ވެސް ނުލިބެ އެވެ.

ވަޔާއެކު ބޮޑު ގަހެއް ވެއްޓުނުއިރު އިއްޔެ ވަނީ ވައިގަދަވެ ވައިގަދަވެ ހުޅުމާލޭގެ ފެރީ ޓާމިނަލްގެ ވޯކްވޭ ސަރަހައްދުގެ ފުރާޅު ވެސް އެއްލާލައިފަ އެވެ.

ވައިގަދަކަމުން ފުލުހުން ވަނީ ބުރިޖުގައި ދަތުރުކުރާއިރު ސަމާލުވުމަށް ވެސް އިލްތިމާސްކޮށްފަ އެވެ.