ކޮޓަރީގައި ރޯކޮށްލި މީހާގެ ބަންދު އިތުރުކޮށްފި
ޑިޒައިނެއް ހަދަން ކަމަށް ބުނެ ކޮޓަރީގައި ރޯކޮށްލި މައްސަލާގައި ފުލުހުންގެ ބެލުމުގެ ދަށަށް ގެންދިޔަ މީހާގެ ބަންދުގެ މުއްދަތު ކްރިމިނަލް ކޯޓުން އިތުރުކޮށްފި އިތުރުކޮށްފި އެވެ.
ކޮޓަރީގައި ރޯކޮށްލިކަމުގެ ތުހުމަތުގައި ހައްޔަރުކުރި ކ.މާލެ، މއ. އުއިވަށާގެ ޔައީޝް އަހްމަދު (26އ)ގެ ބަންދަށް ފުރަތަމަ ދިނީ 5 ދުވަހުގެ މުއްދަތެކެވެ. އެ މުއްދަތު ހަމަވުމުން އިއްޔެ ކްރިމިނަލް ކޯޓަށް ހާޒިރުކުރުމުން އިތުރަށް 7 ދުވަހަށް ބަންދުކުރަން ކޯޓުން އަމުރުކޮށްފައިވެ އެވެ.
ކޯޓު އަމުރުގައި ބުނެފައިވަނީ އެ މީހާގެ މައްޗަށް ތުހުމަތުކޮށްފައިވާ ކުށް ކުރިކަން އެނގޭ މިންވަރެއްގެ ހެކި ގަރީނާ ހުށަހަޅާފައިވާ ކަމަށެވެ.
އޭގެ ތެރޭގައި ސީނަށް ދިޔަ ފުލުހުންގެ ހާދިސާ ރިޕޯޓާއި މައްސަލަ ހުށަހަޅާފަރާތުގެ ބަޔާން ހިމެނޭ ކަމަށް އަމުރުގައި ބުނެފައިވެ އެވެ.
ކޯޓު އަމުރުގައި ބުނެފައިވަނީ އޭނާ ވަކީލުން ބޭނުން ނުވާ ކަމަށް ބުނި ކަމަށެވެ.
ފުލުހުން ސީނަށް ދިޔައިރު ފާރުގައި ހުރި ކަރުދާސްތަކެއްގައި ރޯކޮށްފައި ހުއްޓާ ފެނުމުން ފުލުހުން އަލިފާން ނިއްވާލީ ކަމަށާއި އޭގެ ފަހުން އޭނާ ސީނަށް ދިޔުމުން ސުވާލުކުރުމުން އަލިފާން ރޯކުރި ކަމަށް ބުނެފައިވާ ކަމަށް އައިއޯއާ ހަވާލާދީ ކޯޓު އަމުރުގައި ބުންޏެވެ.
ކޯޓު އަމުރުގައި އިތުރަށް ބުނީ އެ މީހާއަކީ ހައްޔަރާއި ބަންދުގެ ރެކޯޑު އޮތް މީހެއް ކަމަށެވެ.
