ޓިކްޓޮކްގައި އަންހެނަކަށް މަރުގެ އިންޒާރުދިން މައްސަލަ ބަލަނީ
ޓިކްޓޮކްގައި އަންހެނަކަށް މަރުގެ އިންޒާރުދިން މައްސަލަ ބަލަމުންދާ ކަމަށް ފުލުހުން ބުނެފި އެވެ.
މީޑިއާތަކަށް މިއަދު ފޮނުވި މެސެޖެއްގައި ފުލުހުން ބުނީ އެ މައްސަލައާ ގުޅިގެން ބަލަންޖެހޭ ކަންތައްތައް ބަލަމުން ދާކަމަށެވެ.
ފުލުހުން އެހެން ބުނެފައިވާއިރު، ޓިކްޓޮކްގައި ދައުރުވަމުންދާ ޓިކްޓޮކް ލައިވްއެއްގެ ސްކްރީން ރިކޯޑް ވީޑީއޯގައި "އަސްލީ" ނަމަކަށް ކިޔާ އައިޑީއަކުން "ސަމާމަރިއަމް" އަށް މަރުގެ އިންޒާރު ދީފައިވެއެވެ.
އެގޮތުން "އަސްލީ" ނަމަކަށް ކިޔާ އައިޑީން ވަނީ "މާލެ ފަސްގަނޑަށް އެރޭހާ އަވަހަށް ކަރު ބުރިކޮށްލާނެ" ކަމަށް ބުނެ ސަމާއަށް އިންޒާރުދީފަ އެވެ.
ދިވެހީންގެ މެދުގައި ޓިކްޓޮކް ލައިވް ޖައްސައިގެން ގޭމް ކުޅުމާއި ފަންޑްރެއިޒިން އިވެންޓްތައް ކުރިއަށް ގެންދިއުމާ ޒުވާބުކުރުން ވަނީ ވަރަށް ބޮޑަށް ދެވިހިފާފަ އެވެ. އަދި އެކަކު އަނެކަކުގެ ޒާތީ ކަންކަމާ ބެހި ހަޑި ހުތުރު ބަހުން ޒުވާބު ކުރުމާއި މަރުގެ އިންޒާރު ދިނުންވެސް ވަނީ އާންމުވެފަ އެވެ.
މި ދޭތެރެއިން މާރާމާރީ އެއް ހިންގި މައްސަލައެއްވެސް ޓިކްޓޮކް ތެރޭގައި ވައިރަލްވި އެވެ.
Ads by STO
