ޖެކަލިންގެ މި ދަބަހުގެ އަގު އެނގޭތަ؟
މުޅި ބޮލީވުޑަށް ބެލިޔަސް ޖެކަލިން އަކީ ފެޝަނަށް ލޯބިކުރާ ފަންނާނުންގެ ތެރޭގައި ފާހަގަ ކޮށްލެވޭ ފަންނާނެކެވެ. ކޮކްޓެއިކް ޕާޓީއަކަށް ނޫނީ ރެޑް ކާޕެޓު ގެ ހަފްލާއަކަށް ދާން ވިޔަސް ޖެކަލިން އަކީ ފާހަގަ ކޮށްލެވޭ އަންނައުނު ލާ މީހެކެވެ.
ހަމައެހެންމެ ޖެކަލިންއަކީ ޒަމާނީ ދަބަސްތަކަށް އިންތިހާއަށް ލޯބިކުރާ އަންހެނެކެވެ. ތަފާތު އެކި ހަފްލާތަކަށް ތަފާތު ދަބަސްތައް ގެންދިއުމަކީ އޭނާ ގެ “ޓްރެންޑް” އެކެވެ. ކުލަބަކަށްދާ ނަމަ ތަފާތު ސްޓައިލެއްގެ ދަބަހެކެވެ. އަދި ޑިނާރ އަކަށް ނަމަ ތަފާތު ދަބަހެކެވެ.
ނަމަވެސް މި ދަބަހަކީ ޖެކަލިންގެ ފިލްމެއްގެ ސްކްރީނިންގ އަކަށް ގެންދިޔަ ދަބަހެކެވެ. ޖެކަލިންގެ މި “ޑަޔޮރާމާ މެޓަލިކް” އަތް ދަބަހަކާއި އެކު ޓޮޕު ކޮޅަކާއި، ސްކާރޓް އެއް ލާފައިހުރުމުން އެދަބަހުގެ ހިތްގައިމުކަން އިތުރުވެގެން ވެސް ދިޔައެވެ.
އެންމެ ހައިރާން ވާންވީ ކަމަކީ މި އަތް ދަބަހުގެ އަގެވެ. މިއަތް ދަބަހުގެ އަގަކީ 3،900 ޔޫއެސް ޑޮލަރެވެ. މިއީ އިންޑިއާ ރުޕީސްއިން ނަމަ 2,88,660 އެވެ. އެންމެ އަތްދަބަހަކަށް މީ ފުދޭވަރަކަށް ބޮޑު އަގެކެވެ.
