ތާރީހީ އަހަރެއް: ދެ މިލިއަން ފަތުރުވެރިންގެ ރެކޯޑު
ފަތުރުވެރިކަމުގެ ދާއިރާގެ މުޅިން އާ ރެކޯޑެއް ގާއިމްކޮށް، ފުރަތަމަ ފަހަރަށް ދެ މިލިއަން ފަތުރުވެރިން، މިއަހަރު ރާއްޖެ ޒިޔާރާތް ކުރާނެކަން މި ދާއިރާގެ ވަޒީރު އިބްރާހިމް ފައިޒަލް ހާމަކުރައްވައިފި އެވެ.
ފަތުރުވެރިކަމުގެ ތަފާސް ހިސާބުތަކާއި ހަވާލާ ދެއްވައި ފައިސަލް ވިދާޅުވީ މިދިޔަ އާދިއްތަ ދުވަހުގެ ނިޔަލަށް 1،978،252 ފަތުރުވެރިން ރާއްޖެއަށް ޒިޔާރާތް ކޮށްފައިވާ ކަމަށެވެ. އަދި މިހާރު ފަތުރުވެރިން ރާއްޖެ އަންނަ ރޭޓަށް ބަލާއިރު އަންނަ ބުރާސްފަތި ދުވަހު 2 މިލިއަންވަނަ ފަތުރުވެރިޔާ އަންނާނެ ކަމަށް ލަފާކުރެވޭކަމަށް ފައިސަލް ވަނީ ވިދާޅުވެފަ އެވެ.
ދެ މިލިއަން ފަތުރުވެރިން ރާއްޖެ ގެނައުމަކީ ރައީސް ޑރ. މުހައްމަދު މުއިއްޒުގެ ސަރުކާރުގެ އަމާޒެކެވެ. އެކަމަށްޓަކައި ގިނަ މަސައްކަތްތަކެއް މިއަހަރު ކޮށްފައިވާކަމަށް ފައިސަލް ވަނީ ވިދާޅުވެފަ އެވެ. އޭނާ ވިދާޅުވީ ފަތުރުވެރިކަމާއިބެހޭ ވުޒާރާއާއި މި ސިނާއަތުގައި މަސައްކަތް ކުރައްވާ އެހެނިހެން ފަރާތްތަކާއި ގުޅިގެން ކުރެވުނު މަސައްކަތްތަކުގެ ނަތީޖާ މިއަހަރު ފެނިއްޖެ ކަމަށެވެ.
ފަތުރުވެރިން ޒިޔާރާތް ކުރި އަދަދުތަކުގެ ތަފާސް ހިސާބު؛
- 2013: 1.1 މިލިއަން ފަތުރުވެރިން ޒިޔާރާތް ކުރި (17.5 އިންސައްތައިގެ ކުރިއެރުމެއް ހޯދި)
- 2014: 1.2 މިލިއަން ފަތުރުވެރިން ޒިޔާރާތް ކުރި (7.1 އިންސައްތައިގެ ކުރިއެރުމެއް ހޯދި)
- 2015: 1.2 މިލިއަން ފަތުރުވެރިން ޒިޔާރާތް ކުރި (2.4 އިންސައްތައިގެ ކުރިއެރުމެއް ހޯދި)
- 2016: 1.2 މިލިއަން ފަތުރުވެރިން ޒިޔާރާތް ކުރި (4.2 އިންސައްތައިގެ ކުރިއެރުމެއް ހޯދި)
- 2017: 1.3 މިލިއަން ފަތުރުވެރިން ޒިޔާރާތް ކުރި (8.0 އިންސައްތައިގެ ކުރިއެރުމެއް ހޯދި)
- 2018: 1.4 މިލިއަން ފަތުރުވެރިން ޒިޔާރާތް ކުރި (6.8 އިންސައްތައިގެ ކުރިއެރުމެއް ހޯދި)
- 2019: 1.7 މިލިއަން ފަތުރުވެރިން ޒިޔާރާތް ކުރި (14.7 އިންސައްތައިގެ ކުރިއެރުމެއް ހޯދި)
- 2020: 5 ލައްކަ ފަތުރުވެރިން ޒިޔާރާތް ކުރި (ކޮވިޑުގެ ސަބަބުން 67 އިންސައްތައިގެ ގެއްލުން ލިބުނު)
- 2021: 1.3 މިލިއަން ފަތުރުވެރިން ޒިޔާރާތް ކުރި (138 އިންސައްތައިގެ ކުރިއެރުމެއް ހޯދި)
- 2022: 1.6 މިލިއަން ފަތުރުވެރިން ޒިޔާރާތް ކުރި (26.7 އިންސައްތައިގެ ކުރިއެރުމެއް ހޯދި)
- 2023: 1.8 މިލިއަން ފަތުރުވެރިން ޒިޔާރާތް ކުރި (12.1 އިންސައްތައިގެ ކުރިއެރުމެއް ހޯދި)
- 2024: މިހާތަނަށް 1.9 މިލިއަން ފަތުރުވެރިން ޒިޔާރާތް ކޮށްފި (މިއީ 9.0 އިންސައްތައިގެ ކުރިއެރުމެއް)
