ގެއްލިގެން ހޯދި އުމުރާވެރިޔާ ފެނިއްޖެ
އުމުރާގެ އަޅުކަން އަދާކުރުމަށް މައްކާ އަށް އަށް ގޮސް އުޅެނިކޮށް ގެއްލިގެން ހޯދި ދިވެހި އުމްރާވެރިޔާ ފެނިއްޖެ އެވެ.
ގެއްލިގެން ހޯދީ ޔަލަމްލަމް ޖަމާއަތުގެ ހަވާލުގައި އުމުރާއަށް ދިޔަ ޏ. ފުވައްމުލައް، ސްޓެއްލާ، ހުސައިން މުހައްމަދު ދީދީ (63 އ) އެވެ.
އެ ޖަމާއަތުން ބުނީ މުހައްމަދު އެންމެ ފަހުން ފެނުނީ ސަޢީ ކުރަނިކޮށް ކަަމަށެވެ. އަދި އޭނާ ގެއްލިފައިވަނީ އިހުރާމު ބަންދެގެން، ޖަމާއަތުގެ ފާސް އަޅައިގެން ހުއްޓާކަމަށްވެސް އެ ޖަމާއަތުން ބުންޏެވެ.
އެ ގްރޫޕުގެ އޮފިޝަލަކު މީގެ އިރުކޮޅެއް ކުރިން "ދެން" އަށް ބުނީ ހުސެއިން ދީދީ ފެނިފައިވާ ކަމަށެވެ. އަދި އޭނާގެ ހާލު ރަނގަޅު ކަމަށެވެ.
"ދިވެހި ބަޔަކަށް ފެނުނީ އެ ބޭފުޅުންގެ ހޮޓަލު ކައިރިން" އޮފިޝަލް ބުންޏެވެ.
