ތިމަރަފުށީ ގެއަކަށް ވަދެ މާރާމާރީ ހިންގި މީހުން ހައްޔަރުކޮށްފި

ތ ތިމަރަފުށީގައި ގެއަކަށް ވަދެ މާރާމާރީ ހިންގި މައްސަލާގައި ފުލުހުންގެ ހައްޔަރަށް 5 މީހަކު މިއަދު ގެންގޮސްފި އެވެ.

Ads by Sosun Fihaara

ފުލުހުން ބުނީ ގެއަކަށް ވަދެ މާރާމާރީ ހިންގި މައްސަލަ ރިޕޯޓްކޮށްފައިވަނީ އިއްޔެ މެންދުރުފަހު 1:27 ހާއިރު ކަމަށެވެ. އެ މައްސަލާގައި ހައްޔަރުކުރި މީހުންގެ ވަނަވަރު ފުލުހުން މިއަދު ވަނީ ހާމަކޮށްފަ އެވެ.

އެ މައްސަލާގައި ހައްޔަރުކޮށްފައިވަނީ:

• އަހްމަދު އަމީން, ޖަހާމުގުރިގެ, ތ ތިމަރަފުށި (36އ)
• އަހްމަދު ޝަހުދީ, ސަލްވާ, ތ ތިމަރަފުށި (38އ)
• މުހައްމަދު ރައޫފު, ވ ވަވަތް, ކ މާލެ (54އ)
• އަބްދުالله އަޝްރަފް, ގުލްބަކާވިލާ, ތ ތިމަރަފުށި (39އ)
• އާސް އިބްރާހީމް, ހިރި, ތ ތިމަރަފުށި (32އ)

ފުލުހުން އިތުރަށް ބުނީ އެ މައްސަލަ ތަހުގީގުކުރަމުންދާ ކަމަށެވެ.

މާރާމާރީ ހިނގަން މެދުވެރިވި ސަބަބެއް މިހާތަނަށް އެނގިފައެއް ނުވެ އެވެ. ތިމަރަފުށީ ހެލްތު ސެންޓަރުގެ މެނޭޖަރު އަހުމަދު އަތޫފް އިއްޔެ "ދެން" އަށް ވިދާޅުވީ ދެ މީހެއްގެ ދެމެދު މާރާމާރިއެއް ހިނގައި، އެކަކަށް އަނިޔާވެގެން ހެލްތް ސެންޓަރަށް ގެންދިޔަ ކަމަށެވެ. އެ މީހާއަށް މާ ބޮޑު އަނިޔާއެއް ލިބިފައިނުވާ ކަމަށް އަތޫފް ވިދާޅުވި އެވެ.